آپ اپنے دلائل واضح انداز میں دیں،لاہور ہائیکورٹ کا پی ٹی آئی وکیل کو حکم

حمزہ شہباز کی حلف برداری کیخلاف انٹراکورٹ اپیل پر سماعت 26 مئی تک ملتوی کر دی گئی

لاہور ہائیکورٹ میں پی ٹی آئی کے وکیل امتیاز صدیقی نے دلائل دیئے ،عدالت نے ریمارکس دیتے ہوئے کہا کہ آپ کہتے ہیں حلف لینے سے انکار نہیں کیا جاسکتا مگر مسترد کیا جا سکتا ہے ، آپ تقریر کر کے چلے جائیں گے جو ہمارے سر کے اوپر سے گزر جائےگی ،عدالت نے پی ٹی آئی وکیل سے مکالمہ کرتے ہوئے کہا کہ آپ اپنے دلائل واضح انداز میں دیں، وکیل نے کہا کہ اس وقت صوبے میں کوئی حکومت نہیں،جسٹس صداقت علی نے کہا کہ 27 اے کے نوٹس میں احمد اویس نے بہترین جواب جمع کرایا، آرٹیکل 69 کے تحت اسمبلی کی کارروائی میں مداخلت نہیں ہوسکتی،لیکن اب سپریم کورٹ کا ایک فیصلہ آچکا ہے، سپریم کورٹ کے فیصلے کے بعد ایک ونڈو اوپن ہوگئی ہے، وفاقی حکومت کے وکیل نے عدالت میں تحریری جواب جمع کرا دیا

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

حمزہ شہباز شریف نے بطور وزیراعلی پنجاب اپنے عہدے کا حلف اٹھا لیا

آئین شکنوں کو گرفتار کر کے سلاخوں کے پیچھے ڈال دینا چاہئے،مریم نواز

حلف اٹھانے کے بعد حمزہ شہباز کا عمران خان کے سابق قریبی دوست سے رابطہ

واضح رہے کہ حمزہ شہباز پنجاب کے وزیراعلیٰ منتخب ہوئے تو پی ٹی آئی نے اسے لاہور ہائیکورٹ میں چیلنج کیا تھا اور انٹرا کورٹ اپیل دائر کی تھی ، انٹرا کورٹ اپیل میں حمزہ شہباز ، وزیر اعظم اور صدر کو بذریعہ سیکرٹری اور گورنر کو بذریعہ پرنسپل سیکرٹری فریق بنایا گیا ہے ممبران صوبائی اسمبلی کی جانب سے ایڈوکیٹ اظہر صدیق اور رانا مدثر نے اپیل دائر کی انٹرا کورٹ اپیل میں کہا گیا ہے کہ لاہور ہائیکورٹ کا فیصلہ آئین اور قانون کیخلاف ہے,ہائیکورٹ کیجانب سے حلف کی معیاد مقرر کرنا صدر اور گورنر کی عہدے کی توہین ہے،

ایڈوکیٹ اظہر صدیق کا کہنا ہے کہ لاہور ہائیکورٹ کا فیصلہ آئین اور قانون کیخلاف ہے،ہائیکورٹ کیجانب سے حلف کی معیاد مقرر کرنا صدر اور گورنر کی عہدے کی توہین ہے،لاہور ہائیکورٹ کے پاس گورنر اور صدر کیخلاف کوئی بھی کارروائی کا اختیار نہیں آئین کا آرٹیکل 248 مکمل صدر اور گورنر کو مکمل تحفظ فراہم کرتا ہے