آپ نے پاکستان کی امداد بند کی کیا آپ یہ بحال کر دیں گے؟ صحافی کے سوال پر ٹرمپ نے دیا یہ جواب

0
65

امریکی صدر ڈونلڈ ٹرمپ اور پاکستانی وزیر اعظم عمران خان کی وائٹ ہاؤس میں میڈیا سے گفتگو کے دوران ایک صحافی نے ٹرمپ سے سوال کیا کہ آپ نے کولیشن سپورٹ فنڈ کی مد میں پاکستان کی امداد بند کردی تھی، کیا آپ یہ امداد بحال کریں گے تو امریکی صدرکا کہنا تھا کہ پاکستان کی سابقہ حکومت نے امریکہ کے ساتھ تعاون نہیں کیا جس کے باعث ان کی امداد بند کی، ٹرمپ کا کہنا تھا کہ ہم پاکستان کو ایک اعشاریہ 3 ارب ڈالر کی امداد دینا چاہتے تھے لیکن سابقہ حکومت نے ہمارے ساتھ تعاون نہیں کیا،

باغی ٹی وی کی رپورٹ‌ کے مطابق امریکی صدر ٹرمپ نے سوال کا جواب دیتے ہوئے پاکستانی وزیر اعظم عمران خان کی طرف دیکھا اور کہا کہ ان کے وزیر اعظم بننے کے بعد سے میں اس ملاقات کا منتظر تھا، آپ سے پہلے ہمارے لیے پاکستان ہمارے ایجنڈے کے خلاف کام کر رہا تھا، پاکستان ایک عظیم ملک ہے اور وہاں کے لوگ عظیم ہے، ہم پاکستان کے ساتھ بہت ہی اہم چیزوں پر کام کررہے ہیں، امریکی صدر ٹرمپ نے گفتگو کے دوران پاکستانی لوگوں کی تعریف کرتے ہوئے بار بار اپنے جملے داہرئے اور کہا کہ پاکستانی لوگ بہت ہی محنتی ہیں، سمارٹ اور سخت جان ہیں،

امریکی صدر ٹرمپ کا کہنا تھا کہ میری اور عمران خان کی نئی قیادت آئی ہے، پاکستان ماضی میں امریکہ کا احترام نہیں کرتا تھا لیکن اب ہماری کافی مدد کررہا ہے، بھارتی وزیر اعظم نےبھی مقبوضہ کشمیر کےتنازع کےحل کیلیے مجھ سے کہا ہے، امریکامسئلہ کشمیرپر پاک بھارت تعلقات بہترکرنےمیں مدد کرسکتاہے، واضح رہے کہ اس وقت پوری دنیا کی نظریں عمران خان کے دورہ امریکہ پر لگی ہوئی ہیں،

Leave a reply