اب ڈراموں میں رونے والے نہیں بلکہ خوش مزاج لڑکی کے مزاج میں نظر آؤں گی صحیفہ جبار خٹک

پاکستان ڈرامہ انڈسٹری کی معروف اداکارہ و ماڈل صحیفہ جبار خٹک کا کہنا ہے کہ میں ذاتی طور پر یہی چاہتی ہوں کہ رونے والے کردار بہت کر لئے اب میں مزید ایسے کردار نہ کروں-

باغی ٹی وی : اداکارہ صحیفہ جبار نے حال ہی میں دیئے گئے ایک انٹرویو میں اپنی فنی کیرئیر اور نجی زندگی سے متعلق بات کی-انٹرویو کے دوران انہوں نے رونے والے کردار کے بارے میں پوچھے گئے سوال کا جواب دیتے ہوئے کہا کہ میں ڈراموں میں ہر وقت کیوں روتی رہتی ہوں ؟ یہ سوال مجھ سے سب سے زیادہ پوچھا جاتا ہے کیوںکہ میں جب بھی کہیں جاتی ہوں تو میرے مداح بس یہی بات پوچھتے ہیں کہ میں رونے والے ڈرامے کرنا کب بند کروں گی۔ جس پر میں صرف مسکراتے ہوئے یہی جواب دیتی ہوں کہ جب آپ لوگ مجھے ڈراموں میں روتے ہوئے کرداروں میں پسند کرنا چھوڑ دیں گے اس دن میں ایسے ڈرامے کرنا بند کر دوں گی۔


صحیفہ جبار خٹک نے اس کردار کی زیادہ آفرز ہونے کی وجہ بتاتے ہوئے کہا کہ بہت سی وجوہات کی بنا پر پروڈیوسر اور ڈائریکٹرز کو میرا رونا حقیقی لگتا ہے اس لئے مجھے ایسے اسکرپٹ کی آفرز ہوتی ہیں جس میں کردار سنجیدہ اور حساس سے ہوتے ہیں۔

اداکارہ نے اس حوالے سے مزید کہا کہ میں خود بھی ذاتی طور پر یہی چاہتی ہوں کہ اس طرح کے رونے والے کردار میں مزید نہ کروں۔

انہوں نے کہا کہ اس حوالے سے میری کچھ پروجیکٹ پر بات چل بھی رہی ہے حتیٰ کہ ایک پروجیکٹ ایسا بھی ہے جوکہ مزاح سے بھرپور ہے جس کی شوٹنگ بہت جلد شروع بھی ہونے والی ہے اس نئے آنے والے ڈرامے میں میرا کردار بالکل بھی رونے والا نہیں ہے بلکہ خوش مزاج لڑکی کا کردار ہے۔

View this post on Instagram

@mehreenmahnaz

A post shared by Saheefa Jabbar Khattak (@saheefajabbarkhattak) on


صحیفہ جبار اب تک تیری میری کہانی ، بیٹی ، بھول ،چھوٹی چھوٹی باتئں اور لوگ کیا کہیں گے میں اپنی اداکاری کے جوہد دکھا چُکا ہیں جبکہ لکس سٹائل ایوارڈ اور ہم سٹائل ایوارڈ اپنے نام کرنے والی اداکارہ کو ڈرامہ سیریل تیری میری کہانی میں دینا کے کردار اور بیٹی میں مریم کے کردار سے شہرت حاصل ہوئی-

جواب چھوڑیں

آپ کا ای میل ایڈریس شائع نہیں کیا جائے گا.