اب خانیوال میں سولر پروجیکٹ لگائے جائیں گے لیاقت علی

سیکرٹری ہاؤ سنگ جنوبی پنجاب لیاقت علی چٹھہ اورڈپٹی کمشنر آغا ظہیرعباس شیرازی نے خانیوال کا دورہ کیا ہے، ہاؤسنگ اربن ڈویلپمنٹ اینڈ پبلک ہیلتھ انجینئرنگ کا اگلے مالی سال میں 18 سکیموں پر 1531 ملین خرچ کرنے کا فیصلہ کیا ہے، گزشتہ سال 173 سکیموں پر 2506 ملین خرچ کیے جا رہے ہیں.
لیاقت علی چٹھہ کا کہنا ہے کہ جاری منصوبوں کو 30 جولائی تک مکمل کرنے کی ہدایات جاری کر دیں ہیں، تمام صاف پانی کی سکیموں کو سولر پر چلانے کے احکامات جاری کر دیئے ہیں، جاری ترقیاتی منصوبوں کو شفاف انداز سے جلد مکمل کیا جائے.ان خیالات کا اظہار سیکرٹری ہاﺅسنگ لیاقت علی چٹھہ نے خانیوال میں جاری مختلف سکیموں کا جائزہ لینے کے موقع پر کیا، کمشنر اور ڈپٹی کمشنر ان سکیموں کی منظوری دیں گے، کام کے معیار پر کوئی سمجھوتہ نہیں کیا جائے گا، کام کو جلد از جلد مکمل کیا جائے گا.
سیکرٹری ہاﺅسنگ نے کہا کہ کمیونٹی ڈویلپمنٹ آفیسرز واٹر بوزر کمپنیاں بنائیں تاکہ سکیموں کو فعال انداز سے چلایا جائے، عوامی رابطہ مہم کو بہتر بنایا جائے۔ہر سکیم فعال کی جائے، 55واٹر فلٹریشن پلانٹس کو فوری فعال کرنے کے احکامات جاری کر دیئے گئے ہیں، یونین کونسلرکو بھی واٹر فلٹریشن کی صفائی اور فعال رکھنے کی ہدایات جاری کر دیں گئیں ہیں، ۔سیکرٹری ہاﺅسنگ نے کہا کہ صاف پانی کی فراہمی کو ہر صورت یقینی بنائیں گے، جہانیاں اور خانیوال میں فاٹا کے زیر انتظام نیا پاکستان ہاﺅسنگ سکیمز کو سولر سسٹم پر رکھنے کی ہدایات کی گئیں ہیں، وہاڑی کی 17کمیونٹی کی کمپنیوں کو بھی مکمل کرنے کی ہدایات جاری کر دی گئیں ہیں.