’ارطغرل غازی‘ کے ’عبدالرحمٰن‘ نے پاکستانی بچوں کو بہادر سپاہی قرار دے دیا،اوربھی اعزازسے نوازا

0
47

انقرہ:’ارطغرل غازی‘ کے ’عبدالرحمٰن‘ نے پاکستانی بچوں کو بہادر سپاہی قرار دے دیا،اوربھی اعزازسے نوازا،اطلاعات کے مطابق پاکستان میں دکھائے جانے والے ترکی کے ڈرامے ارطغرل غازی” کے مرکزی کردار عبدالرحمن  پاکستانی بچوں سے بہت متاثرہیں اوران کا کہنا ہے کہ پاکستانی بچے بہت بہادرسپاہی ہیں جو کسی بھی چیلنج سے نمٹنا جانتے ہیں 

 

پاکستان ٹیلی وژن (پی ٹی وی) پر اپریل کے آخر سے نشر کیے جانے والے ترک کے شہرہ آفاق ڈرامے ’دیریلش ارطغرل‘ کی جہاں ہر گزرتے دن پاکستان میں مقبولیت بڑھ رہی ہے۔

وہیں ڈرامے کے اداکاروں کی جانب سے بھی آئے دن پاکستانی مداحوں کے لیے محبت کے پیغامات جاری کرنے سمیت پاکستان آنے کی خواہش کا اظہار کیا جاتا ہے۔

https://www.instagram.com/p/CBBGvTsjRmG/

مذکورہ ڈرامے کو وزیر اعظم کی خواہش پر اردو میں ترجمہ کرکے ’ارطغرل غازی‘ کے نام سے چلایا جا رہا ہے اور اس ڈرامے نے پاکستان میں مقبولیت کے نئے ریکارڈز بنائے۔

ڈرامے کی مقبولیت اتنی بڑھ گئی ہے کہ پاکستانی ڈراما شائقین ’ارطغرل غازی‘ کے سین پر ویڈیوز میں اداکاری کرتے دکھائی دیتے ہیں۔

خاص طور پر ’ارطغرل غازی‘ کی موسیقی پر پاکستان میں مرد و خواتین سمیت بچوں کی جانب سے ویڈیوز بنائے جانے کا سلسلہ جاری ہے۔

اداکار نے ڈرامے میں عبدالرحمٰن الپ کا کردار ادا کیا ہے—اسکرین شاٹ
 

اور ڈرامے کی موسیقی پر بنائی گئی پاکستانی بچوں کی ویڈیو کو دیکھ کر ’ارطغرل غازی‘ کے اہم کردار ’عبدالرحمٰن الپ‘ نے اپنی انسٹاگرام پوسٹ میں پاکستانی بچوں کے لیے نیک خواہشات کا اظہار کیا۔

’عبدالرحمٰن الپ‘ کا کردار معروف اداکارہ سیلال ال نے ادا کیا ہے اور انہوں نے حال ہی میں اپنی انسٹاگرام پر پاکستانی بچوں کی ویڈیو شیئر کرتے ہوئے اردو میں پیغام بھی جاری کیا۔

سیلال ال نے ارطغرل غازی کے تمام سیزن میں کام کیا، تاہم آخری قسطوں میں ان کا کردار ڈرامے کا حصہ نہیں، انہوں نے مجموعی طور پر 150 کے قریب قسطوں میں کام کیا۔

انہوں نے ڈرامے میں ارطغرل غازی کے والد کے قابل بھروسہ گارڈ کا کردار ادا کیا ہے اور ان کی وفاداریوں کے باعث انہیں چیف گارڈ کی ذمہ داری بھی دی جاتی ہے۔

سیلال ال نے انسٹاگرام پر پاکستانی بچوں کی ڈرامے کی موسیقی پر بنائی گئی ویڈیو کو شیئر کرتے ہوئے اردو میں لکھا کہ ماشاءاللہ، پاکستان کے ننھے منے بہادر سپاہیو، میں آپ کے دلوں کو حسرت کے ساتھ بوسہ دیتا ہوں۔

https://www.instagram.com/p/CA9o_VKJfji/

اداکار نے بچوں کے حوالے سے مزید لکھا کہ آپ ہمارے ماشاءللہ بہادر سپاہی ہیں، انشاءللہ ایک دن آپ کے شانہ بشانہ جنگ میں حصہ لیں گے۔

سیلال ال نے پاکستانی بچوں کے لیے محبت کا اظہار بھی کیا۔

 

Leave a reply