مقبوضہ کشمیر کو آزاد کرا کے دم لیں گے ، عبد الل گل ، آئندہ لائحہ عمل کا بھی اعلان کردیا

اسلام آباد : تحریک نوجوانان پاکستان کے سربراہ ، سابق سربراہ آئی ایس آئی جنرل حمید گل کے صاحبزادے عبداللہ گل نے کشمیریوں کو بھارتی مظالم سے نجات دلانے اور جلد از جلد آزاد کرنے کا اعلان کرتے ہوئے کہا ہے کہ جب تک کشمیری آزاد نہیں ہوجاتے ان کی یہ کوششیں جاری رہیں‌گی

باغی ٹی وی ذرائع کے مطابق عبداللہ گل نے اپنے عزم کا اظہار کرتے ہوئے کہا ہے کہ وہ اس تحریک کو ہر صورت منطقی انجام تک پہنچتے دیکھنا چاہتے ہیں، انہوں نے کہا کہ کشمیریوں کی آزادی کے لیے تمام کوششوں کو منظم کرنے اور پہلے سے بہتر انداز سے تحریک کو آگے لے جانے کے لیے کشمیر لبریشن کونسل کے قیام کا اعلان کیا ہے.

عبداللہ گل نے باغی ٹی وی کو بتایا کہ اس کونسل میں تمام کشمیریوں‌ سمیت پاکستان بھر کے علما، طلباء ، سیاسی و غیر سیاسی لوگوں کو شامل کیا جائے گا ، انہوں نے کہا کہ نہ صرف پاکستان اور کشمیر سے اس تحریک میں لوگوں‌کو شامل کیا جائے گا بلکہ دنیا بھر کے ممالک میں بسنے والے تمام کشمیریوں اور کشمیریوں سے محبت کرنے والوں کو شامل کیا جائے گا تاکہ تحریک اپنی منزل پر جلد پہنچے

باغی ٹی وی سے بات کرتے ہوئے عبداللہ گل نے کہا کہ وہ لوگ جو کینیڈا اور امریکہ میں‌رہتے ہیں وہ ہفتہ وار اقوام متحدہ کے دفتر کے سامنے احتجاج کر کے کشمیریوں کے حقوق کے لیے آواز بلند کریں‌گے، ایسے ہی برطانیہ اور فرانس سمیت یورپ کے دیگر ملکوں میں رہنے والے اپنا احتجاج ریکارڈ کرایا کریں گے ،

پاکستان اور بھارت میں ہفتہ وار اور ہر مہینے بھی کشمیریوں کے لیے آواز بلند کی جائے گی اور احتجاج ریکارڈ کراکے دنیا کو باور کرایا جائے گا کہ جب تک کشمیری آزاد نہیں‌ہوجاتے یہ احتجاج ایسے ہی رہے گا