عبداللہ حمید گل کی گرفتاری کے حوالے سے خبر جھوٹی, 50 کروڑ ہرجانے کا دعویٰ کردیا

راولپنڈی:عبداللہ حمید گل کی گرفتاری کے حوالے سے شائع ہونے والی خبر جھوٹی, عبداللہ حمید گل نے 50 کروڑ ہرجانے کا نوٹس بھیج دیا . چندروز قبل روزنامہ جناح میں ایک خبر شائع ہوئی جس میں یہ لکھا تھا کہ جنرل حمید گل کے صاحبزادے عبداللہ حمید گل کی گرفتاری کے ناقابل ضمانت وارنٹ گرفتاری جاری ہوگئے ہیں, باغی ٹی وی نے عبداللہ حمید گل سے رابطہ کیا اور انہوں نے اس حوالے سے خبر کی تردید کرتے ہوئے کہا کہ یہ جھوٹا پروپیگنڈا ہے اور میری عزت اور وقار کو خراب کرنے کی کوشش کی اس لئے میں نے خبر لگانے والی اخبار کو 50 کروڑ ہرجانے کا نوٹس بھیج دیا ہے انہوں نے کہا کہ یہ کوئی طریقہ نہیں کہ کوئی کسی کی ذات پر کیچڑ اچھالے اور اس کو بدنام کرنے کی کوشش کرے.
روزنامہ جناح کا تراشہ:
یہ خبر 31 جولائی 2019 ء کو روزنامہ جناح صفحہ نمبر 2 پر شائع ہوئی

جواب چھوڑیں

آپ کا ای میل ایڈریس شائع نہیں کیا جائے گا.