ابرار الحق کی طبیعت ناساز، کرونا کا شکار، دوست احباب کو احتیاط برتنے کا پیغام

اسلام آباد: ابرار الحق کی طبیعت ناساز، کرونا کا شکار ، دوست احباب کو احتیاط برتنے کا پیغام،اطلاعات کے مطابق تحریک انصاف کے رہنما اور ہلال احمر کے چیئرمین و پاکستانی گلوکار ابرار الحق کو کرونا کی علامات ظاہر ہوگئیں جس کے بعد انہوں نے خود کو گھر میں قرنطینہ کرلیا ہے۔

ذرائع کے مطابق ابرار الحق نے علامات ظاہر ہونے کے بعد کرونا کی تشخیص کا ٹیسٹ کروایا اور اب انہیں اپنی رپورٹ کا انتظار ہے۔ڈاکٹر نے ابرار الحق کو مشورہ دیا ہے کہ وہ کرونا ٹیسٹ کی رپورٹ آنے تک احتیاطاً خود کو گھر میں قرنطینہ کرلیں۔

تحریک انصاف کے رہنما کا کہنا تھا کہ ’مجھے گزشتہ رات سے بخار اور خشک کھانسی ہے، جس کا میں نے ڈاکٹر کو بتایا تو انہوں نے ٹیسٹ کروانے کا مشورہ دیا‘۔اُن کا کہنا تھا کہ ’مجھے امید ہے کہ کرونا ٹیسٹ کی رپورٹ منفی آئے گی اور میں وائرس سے متاثر نہیں ہوں گا‘۔

پاکستان تحریک انصاف (پی ٹی آئی) کے رہنما و معروف گلوکار ابرار الحق نے کہا ہے کہ میں گزشتہ رات سے خشک کھانسی اور بخار میں مبتلا ہوں، امید ہے کہ یہ کورونا نہیں ہو گا۔انہوں نے کہا کہ گورنر پنجاب چوہدری سرور سمیت جن لوگوں نے بھی میرے ساتھ ملاقات کی ہے ان تمام کو احتیاطی تدابیر اختیار کر لینی چاہئیں۔