fbpx

ابوظہبی ٹی10 لیگ میں کرپشن اور سٹے بازی کے انکشافات،آئی سی سی نے تحقیق شروع کر دی

دبئی: اںٹرنیشنل کرکٹ کونسل (آئی سی سی) نے ابوظہبی ٹی10 لیگ میں کرپشن اور سٹے بازی کے الزامات پر تحقیقات شروع کردیں۔

باغی ٹی وی: برطانوی میڈیا کی رپورٹ کے مطابق انٹرنیشنل کرکٹ کونسل (آئی سی سی) نے اینٹی کرپشن یونٹ کو 12 مشکوک سرگرمیوں کی رپورٹ موصول ہوئی تھی جن میں سے کم از کم 6 سنجیدہ نوعیت کی قرار دی جا رہی ہیں۔


عالمی گورننگ باڈی کے اینٹی کرپشن یونٹ (ACU) کو دو ہفتے کے ٹورنامنٹ میں بدعنوانی کی سرگرمیوں کے حوالے سے ایک درجن سے زیادہ الزامات موصول ہوئے، جن میں سے نصف کو رسمی تحقیقات شروع کرنے کے لیے کافی سنجیدہ سمجھا گیا ہے۔

حکام کا کہنا ہے کہ میچز کی دوران 15 ملین ڈالر سٹے بازی کے غیر معمولی لین دین نے آئی سی سی حکام کے کان کھڑے دیئے ہیں، لیگ کے دوران کنڈیشنز دیکھنے سے پہلے ہی مالکان کو ٹیموں کے بیٹنگ اوربولنگ آرڈر کےحوالے سے ہدایات دیتے دیکھا گیا جبکہ کئی اسٹار پلیئرز کو اچانک ڈراپ کر دیا گیا۔

نسیم شاہ نےوکٹ پررُک کرہمیں کامیابی سےدورکردیا:کیوی کپتان ٹم ساؤتھی

آئی سی سی کو ٹیموں کے ارد گرد قابل اعتراض سرگرمیوں کی رپورٹس بھی موصول ہوئیں، جن میں فرنچائز مالکان کی جانب سے حالات پر غور کیے بغیر پہلے سے بولنگ اور بیٹنگ کے آرڈر دینا، اسٹار کھلاڑیوں کو مختصر نوٹس پر ڈراپ کرنا اور بلے بازوں کا ناقابل فہم شاٹس لگا کر اپنی وکٹیں گرانا شامل ہیں۔

ایک معاملے میں ڈیرن ہرفٹ کے بیٹے، جو چنئی بریز فرنچائز کے مالک ہیں، نے کبھی فرسٹ کلاس گیم نہ کھیلنے کے باوجود انگلینڈ کے بلے باز ڈین لارنس کے ساتھ بیٹنگ کا آغاز کیا۔

حصہ لینے والے 16 انگلینڈ کے بین الاقوامی کھلاڑیوں میں سے کچھ کو ابھی تک مقابلے کی فیس کی آخری قسط موصول نہیں ہوئی ہے جو کہ ٹورنامنٹ ختم ہونے کے چار ہفتے بعد £10,000 سے لے کر £50,000 تک ہے۔

ٹینس اسٹار ثانیہ مرزا نے انٹرنیشنل ٹینس سے ریٹائرمنٹ کا اعلان کردیا

ایک مالک نے نامعلوم وجوہات کی بناء پر اپنی فرنچائز کے ساتھ شامل ہونے سے ایک دن پہلے انگلینڈ کے ایک بین الاقوامی کا معاہدہ ختم کرنے کی کوشش کی۔

اسی طرح لیگ میچز کے دوران کچھ بیٹرز نے حیران کن انداز میں وکٹیں گنوائیں، جس کیلئے آئی سی سی نے معاملات کی چھان بین شروع کردی ہے۔