غیرملکی کرنسی اکاؤنٹس منجمد کرنےکی خبروں پر وزیر خزانہ کا ردعمل آ گیا

0
58

غیر ملکی کرنسی اکاؤنٹس منجمد کرنے کی خبروں پر وزیر خزانہ کا ردعمل آ گیا
باغی ٹی وی کی رپورٹ کے مطابق وفاقی وزیر خزانہ مفتاح اسماعیل نے کہا ہے کہ غیر ملکی کرنسی اکاؤنٹس منجمد کرنے کا قطعی طور پر کوئی منصوبہ نہیں ہے،

مفتاح اسماعیل کا مزید کہنا تھا کہ روشن ڈیجیٹل اکاؤنٹس یا لوگوں کے پرائیویٹ لاکرز پرقبضہ کرنےکا بھی کوئی منصوبہ نہیں ،ہم نے کبھی ان اقدامات پر غور بھی نہیں کیا اورنہ ہی ہم کبھی ایسا کریں گے،اس بارے میں سوشل میڈیا پر قیاس آرائیاں غلط ہیں اور متعصب حلقوں سے آرہی ہیں،

وزیر خزانہ مفتاح اسماعیل کا مزید کہنا تھا کہ وزیر اعظم سرکاری اخراجات بچانے کے لیے کفایت شعاری مہم کا اعلان کریں گے، ملک میں مالیاتی ایمرجنسی کا کوئی اعلان نہیں کیا جائے گااور نہ ہی کوئی مالی ایمرجنسی ہے، پیٹرول کی قیمتوں میں دو بار اضافے کے بعد ہم مالی بحران سے نکل چکے ہیں، عمران خان حکومت 6 فیصد گروتھ چھوڑ کر گئ جسکی وجہ سے آئی ایم ایف ہم پر دباؤ ڈال رہا ہے کہ پاکستان کی گروتھ بہت تیزی سے آگے بڑھ رہی ہے اس لیے اسکو روکو اور شرح سود بڑھاؤ ،

وزیر خزانہ مفتاح اسماعیل کا مزید کہنا تھا کہ پی ٹی آئی کے ارکان قومی اسمبلی میں تو اپنی تنخواہیں بھی چھوڑنے کو تیار نہیں اسمبلیوں میں آنہیں رہے لیکن تنخواہیں پوری وصول کر رہے آئی ایم ایف سے پٹرولیم مصنوعات مہنگا کرنے کا معاہدہ بھی عمران حکومت نے ہی کیا اگلے سال 21 ارب ڈالرز قرضے کی مد میں واپس کرنے ہیں

وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

پٹرولیم مصنوعات کی قیمتوں میں اضافہ عدالت میں چیلنج

پٹرول کی قیمت 30 روپے مہنگی،تحریک انصاف نے آئی ایم ایف کے ساتھ معاہدہ کیا

Leave a reply