fbpx

ایکسیئن نے رشوت لے کر غیر قانونی راستہ دیا

قصور
محکمہ انہار کے ایکسین نے رشوت لے کر غیر قانونی کالونی کو راستہ فراہم کیا

تفصیلات کے مطابق ایکسین انہار چونیاں نے بھاری رشوت لیکر غیر قانونی ہاؤسنگ کالونی کو نہر پر غیر قانونی رستہ فراہم کر دیا ایکسین اور ایس ڈی او انہار کے خلاف قانونی کارروائی کی جائے اور تعمیر شدہ غیر قانونی پل کو گرایا جائے ان خیالات کا اظہار معروف قانون دان چوہدری آصف جلال خان ایڈووکیٹ نے صحافیوں سے گفتگو کرتے ہوئے کیا انہوں نے بتایا کہ مقامی پولیس اسٹیشن کے قریب مولوی یونس نامی شخص نے غیر قانونی ہاؤسنگ سوسائٹی بنا رکھی ہے جہاں پر کمرشل اراضی کو زرعی زمین ظاہر کر کے محکمہ مال سے ساز باز ہو کر فروخت کی جا رہی ہے اور اس کالونی کو کنگن پور روڈ بائی پاس سے نہر پر ایک غیر قانونی پل تعمیر کر کے کالونی کو راستہ فراہم کر دیا گیا ہے آصف جلال خان ایڈووکیٹ نے بتایا کہ غیر قانونی راستہ فراہم کرنے اور نہر پر پل کی تعمیر کا زمہ دار ایکسین انہار اور ایس ڈی او انہار ہے جنہوں نے مبینہ طور پر بھاری رشوت لیکر کالونی مالکان کو راستہ فراہم کیا اور نہر غیر قانونی پل تعمیر کروایا غیر قانونی پل کو گرا کر کالونی کا راستہ بند کیا جائے اور غیر قانونی کالونی کے خلاف بھی کارروائی کی جائے

جواب چھوڑیں

آپ کا ای میل ایڈریس شائع نہیں کیا جائے گا.