"پنجاب نہیں جاﺅں گی” کوپسند کرنےکاشکریہ:اداکارائیں ہیئراسٹائل نہیں بلکہ کردارسازی پرتوجہ دیں:خلیل الرحمان قمر

لاہور:”پنجاب نہیں جاﺅں گی” کوپسند کرنےکاشکریہ:اداکارائیں ہیئراسٹائل نہیں بلکہ کردارسازی پرتوجہ دیں،اطلاعات کے مطابق نامور ڈراما نگار، فلم نویس اور ہدایت کار خلیل الرحمان قمر نے کہا ہے کہ آج کی ہیروئنیں اداکاری سے زیادہ اپنے بالوں پر توجہ دیتی ہیں۔

میڈیا سے بات کرتے ہوئے خلیل الرحمان قمر نے کہا کہ آج کل کی اداکارائیں اداکاری سے زیادہ اپنے بالوں پر توجہ دیتی ہیں جبکہ کوئی بھی اداکارہ اپنے دل کش ہیئر اسٹائل کی وجہ سے فلموں میں کام یابی حاصل نہیں کرسکتی، فلم بینوں کے دل جیتنے کے لیے اپنے کرداروں کے ساتھ انصاف کرنا ہوتا ہے۔

انہوں نے کہا کہ میں جو بھی تحریر لکھتا ہوں، دل سے لکھتا ہوں، میری لکھی ہوئی فلم پنجاب نہیں جاﺅں گی کو پسند کرنے پر مداحوں کا مشکور ہوں۔ ایک سوال کے جواب میں انہوں نے بتایا کہ میری ساری توجہ اب فلموں کی ڈائریکشن اور کہانیوں پر ہے، میں نے کوشش کی کہ ہمیشہ سچ لکھوں۔ پہلی بار فلم کی ڈائریکشن دی تو بہت تلخ تجربات کا سامنا کرنا پڑا۔

جواب چھوڑیں

آپ کا ای میل ایڈریس شائع نہیں کیا جائے گا.