اداکارہ سارہ خان نے ٹی وی ڈائریکٹر کو تھپڑ کیوں جڑ دیا؟

کراچی : ڈرامہ ٹی وی کی معروف اداکارہ سارہ خان نے بتایا ہے کہ انہوں نے ہاتھ پکڑنے پر ایک ڈرامہ ڈائریکٹر کو زور دار تھپڑ جڑ دیا۔

سوشل میڈیا پر ایک انٹرویو میں اداکارہ سارہ خان نے بتایا کہ یہ کافی پرانی بات ہے جب انہوں نے ڈرامہ انڈسٹری میں آغاز کیا تھا. وہ ایک ڈرامہ کی شوٹنگ میں مصروف تھیں جس کا ڈائریکٹر ان سے مطالبہ کر رہا تھا کہ میں ان کے ساتھ فلم دیکھنے جاؤں. میں نے انکار کیا تو اصرار کرنے لگے. پہلے تو میں منع کرتی رہی لیکن انہوں نے بعد میں حد ہی کر دی.

سارہ خان نے واقع کی تفصیل بتائی کہ وہ میک اپ روم میں تھیں اور ڈائریکٹر ان کے پیچھے میک اپ روم میں آگیا۔ اس نے دوبارہ فلم دیکھنے جانے ہر اصرار کیا لیکن پھر انکار پر اس نے ہاتھ پکڑ کر ساتھ لے جانے کی کوشش کی جس پر مجھے غصہ آ گیا اور میں نے اس کے منہ پر زور دار تھپڑ جڑ دیا۔

واضح رہے سارہ خان نے ڈرامہ انڈسٹری میں اپنے کیریئر کا آغاز 2012 میں ڈرامہ سیریل "بڑی آپہ” سے کیا تھا اور اب تک کئی کامیاب ڈراموں میں کردار ادا کر چکی ہیں.

جواب چھوڑیں

آپ کا ای میل ایڈریس شائع نہیں کیا جائے گا.