عدالت نے جماعةالدعوة کے رہنماؤں کے خلاف مقدمات کی سماعت ملتوی کردی

لاہور(بریکنگ نیوز )انسداد دہشت گردی عدالت نے جماعةالدعوة کے رہنماﺅں کے خلاف مختلف مقدمات کی سماعت 30 نومبر تک کیلئے ملتوی کردی، پروفیسر حافظ عبدالرحمن مکی، پروفیسر ظفر اقبال اور یحییٰ مجاہد کو سخت سکیورٹی میں اے ٹی سی کورٹ نمبر 1 کے جج ارشد حسین بھٹہ کی عدالت میں پیش کیا گیا، اس موقع پر سی ٹی ڈی کی طرف سے درج مقدمہ نمبر 23/19، 41/19 اور 88/19کی سماعت ہوئی

جس پر عدالت نے گواہوں کو طلب کرنے کے احکامات جاری کئے اور آئندہ تاریخ تک کیلئے سماعت ملتوی کر دی، واضح رہے کہ مذکورہ مقدمات میں ایک دن قبل ہی جماعۃ الدعوۃ کے تینوں رہنماؤں کے خلاف فرد جرم عائد کی گئی ہے، یہ مقدمات سی ٹی ڈی کی جانب سے لاہور، فیصل آباداور ملتان میں درج کئے گئے تھے۔

واضح رہے کہ جماعةالدعوة کے رہنما ؤں کے خلاف کیسز چل رہے ہیں اور جماعةالدعوة کے امیر خافظ سعید کو عدالت نے حال ہی میں سزا سنائی ہے اس وقت جماعةالدعوة کی سرگرمیوں پر پابندی عائد ہے اور جماعةالدعوة ملک میں کسی قسم کی کوئی سیاسی سرگرمی نہیں کر رہی جو کہ باعث تشویش ہے

تبصرے بند ہیں.