سندھ ہائیکورٹ نے پی ٹی آئی چیئرمین عمران خان کے بھانجے اور فوکل پرسن بیرسٹر حسان نیازی کی سندھ پولیس کیجانب سے گرفتاری کے معاملے پر مقدمہ کالعدم قرار دینے کی درخواست ناقابل سماعت قرار دیتے ہوئے مسترد کردی۔
باغی ٹی وی: سندھ ہائیکورٹ میں پی ٹی آئی رہنما حسان نیازی کی سندھ پولیس کی جانب سے گرفتاری کے معاملے پر ان کے والد حفیظ اللہ نیازی کی مقدمہ کالعدم قرار دینے کے لئے درخواست پر سماعت ہوئی جسٹس کے کے آغا نے درخواست پر سماعت کی-
توشہ خانہ کیس: عمران خان کی حاضری سے استثنیٰ کی درخواست منظور
عدالت نے درخواست ناقابل سماعت قرار دیتے ہوئے مسترد کردی۔ سندھ ہائیکورٹ نے کہا کہ حسان نیازی کو متعلقہ عدالت نے کیس سے ڈسچارج کردیا ہے،جسٹس کے کے آغا نے کہا کہ پولیس کے خلاف حبس بے جا کی نئی درخواست دی جاسکتی ہے۔
پی ٹی آئی کے وکیل نے کہا کہ جوڈیشل مجسٹریٹ نے حسان نیازی کومقدمےسے ڈسچارج کیا ہے، ان کے خلاف مقدمہ اب بھی برقرار رہے، مقدمے سے ڈسچارج کے باوجود حسان نیازی کو رہا نہیں کیا،جج نے کہا کہ درخواست ناقابل سماعت ہے واپس لے لیں یا پھر مسترد کردیتے ہیں۔
آذربائیجان نے اسرائیل میں اپنے پہلے سفارتخانے کا افتتاح کر دیا
یاد رہے کہ 20 مارچ کو اسلام آباد پولیس نے چیئرمین پی ٹی آئی عمران خان کے بھانجے حسان نیازی کو جوڈیشل کمپلیکس کے باہر پولیس ناکے پر مزاحمت کرنے کے الزام میں گرفتار کیا تھا۔
