لاہور: ہتک عزت کے دعووں کے لیے ٹریبونل تشکیل نہ دینے کے اقدام کے خلاف اداکارہ ریما خان کی جانب سے کارروائی کی گئی تھی،جس کی سماعت کے دوران لاہور ہائیکورٹ نے پنجاب حکومت سے جواب طلب کرلیا-
باغی ٹی وی : لاہور ہائی کورٹ نے اداکارہ ریما خان کی درخواست پر سماعت کی، جسٹس عابد عزیز شیخ کی سربراہی میں ہونے والی سما عت کے دوران، ریما خان کے وکیل نے موقف پیش کیا کہ ہتکِ عزت کے قانون 2024 کے تحت ٹریبونل قائم کیے جانے چا ہیے تھے 2024 کے قانون سے قبل، ایڈیشنل سیشن جج اور سول جج بھی ہتکِ عزت کے مقدمات کی سماعت کر سکتے تھے۔
درخواست میں یہ بھی کہا گیا کہ حکومت کی جانب سے ٹریبونل تشکیل نہ دینے کا اقدام قانونی تقاضوں کے منافی ہے۔ عدالت نے اس معاملے پر نوٹس جاری کرتے ہوئے پنجاب حکومت سے جواب طلب کر لیا۔
ملک ریاض کے خلاف کارروائی،بحریہ ٹاؤن کی جائیداد سیل
ریما خان نے عدالت سے درخواست کی ہے کہ ہتکِ عزت کے مقدمات کی سماعت کے لیے فوری طور پر ٹریبونل قائم کیا جائے اس اقدام سے نہ صرف انصاف کی فراہمی میں تیزی آئے گی، بلکہ شہریوں کے بنیادی حقوق کا تحفظ بھی یقینی ہوگا۔
اب پنجاب حکومت کو عدالت کے سامنے اپنا موقف پیش کرنا ہوگا، معاملے کی اگلی سماعت کا انتظار ہے، جس میں عدالت حکومتی اقدامات کی قانونی حیثیت پر فیصلہ سنائے گی۔
