عدالت پیشی پر آنیوالا جوان مخالفین کی فائرنگ سے جاں بحق

0
22
چار برس تک بیٹی کے ساتھ گھناؤنا کام کرنیوالے باپ کو عدالت نے سنائی سزا

باغی ٹی وی کی رپورٹ کے مطابق فیصل آباد کی ضلع کچہری میں پیشی پر آئے نوجوان پر مقدمہ واروں نے فائرنگ کی ہے

پولیس کے مطابق فائرنگ سے زخمی ہونے والا نعمان نامی نوجوان ہسپتال منتقل کرتے ہوئے جاں بحق ہو گیا، نعمان نے ملزمان کے بھائی کو قتل کیا تھا ,فائرنگ درینہ دشمنی کی بنا پر کی گئی

شہریوں کی کوشش سے فائرنگ کرنے والا ملزم شان علی موقع سے گرفتارکر لیا گیا جبکہ ساتھی فرارہو گیا، گرفتار ملزم سے جائے وقوعہ میں استعمال ہونے والا پستول بھی برآمد کر لیا گیا ہے

واضح رہے کہ عدالتوں میں پیشی کے دوران فائرنگ کا یہ پہلا واقعہ نہیں ہے اس سے قبل بھی لاہور میں بھی ایسے واقعات پیش آ چکے ہیں،لاہور پولیس نے ضلع کچہری کے باہر سے مسلح ملزمان کو گرفتار بھی کیا تھا، عدالتوں میں اسلحہ کے ساتھ چلے جانا سیکورٹی پر سوالیہ نشان ہے،

عدالتوں کے باہر ناقص سیکورٹی کی صورتحال سے نہ صرف عدالتوں میں آنے والے بلکہ عام شہریوں کی جانوں کو بھی خطرہ ہے، ضرورت اس امر کی ہے پولیس سیکورٹی کا نظام درست کرے تا کہ شہری بلا خوف و خطر عدالتوں میں آ سکیں.

Leave a reply