محب وطن اور عظیم اداروں سے درخواست ہے ملک کو خانہ جنگی سے بچائیں،شیخ رشید

راولپنڈی: عوامی مسلم لیگ کے سربراہ اور سابق وزیر داخلہ شیخ رشید کا کہنا ہے کہ جوڈیشل کمپلیکس میں جو صورتحال بنی ملک خانہ جنگی کی طرف جا رہا ہے، محب وطن اور عظیم اداروں سے درخواست ہے ملک کو خانہ جنگی سے بچائیں۔

باغی ٹی وی : اپنے ویڈیو پیغام میں شیخ رشید نے کہا کہ زمان پارک، جوڈیشل کمپلیکس میں جو ہوا مہذب معاشرے کیلئے شرمندگی کا باعث ہے، ساری دنیا نے دیکھا کس طرح پولیس عمران خان کے گھر کے اندر داخل ہوئی۔

خواجہ سرا سوشل ایکٹوسٹ شہزادی رائے کو حراساں کرنے کا معاملہ،مرکزی ملزم گرفتار

شیخ رشید نے کہا کہ ہم سب کا فرض ہے مل بیٹھیں اور شفاف الیکشن کروائیں، قوم عمران خان کے ساتھ کھڑی ہے، الیکشن میں عمران خان کے حق میں فیصلہ ہو جاتا ہے تو قیامت نہیں آجاتی۔

سابق وزیر داخلہ نے کہا کہ حالات ثابت کریں گے اس ملک میں امن ہوگا، ذمہ داران سے درخواست ہے جتنی جلدی ممکن ہو ملک میں الیکشن کا اعلان کریں۔

گھر پرسرچ آپریشن اورعملے پر تشدد،عمران خان کا عدالت جانے کا اعلان

گزشتہ دنوں شیخ رشید احمد نے کہا تھا کہ شفاف انتخابات کرائیں جو جیتے حکومت اس کے حوالے کریں۔ راولپنڈی میں بھی عمران خان کی گرفتاری کے خلاف احتجاج جاری ہے۔

انہوں نے کہا تھا کہ میرے حلقے سے 7 پارٹیوں نے اپنے اپنے نشان مانگ لیے ہیں ان کو سمجھ ہی نہیں آ رہی۔ یہ انتخابات سے بھاگ رہے ہیں۔ جیل سے بھی لوگ انتخاب جیتے ہیں وہاں ساری چیزیں مل جاتی ہیں۔

زمان پارک آپریشن:پی ٹی آئی کا آئی جی پنجاب اور دیگر پر توہین عدالت کا …