آٹھویں نیشنل ورکشاپ بلوچستان کے شرکاء سے خطاب کرتے ہوئے شیخ رشید بڑی بات کہہ گئے

0
25

کوئٹہ :آٹھویں نیشنل ورکشاپ بلوچستان کے شرکاء سے خطاب کرتے ہوئے شیخ رشید بڑی بات کہہ گئے،اطلاعات کے مطابق وزیر داخلہ شیخ رشید احمد نے آٹھویں نیشنل ورکشاپ بلوچستان کے شرکاء سے خطاب کرتے ہوئے ایک بڑی اہم بات کی ہےجس کی بڑی ہی اہمیت دی جارہی ہے

شیخ رشید نے اس موقع پر کہا کہ بہت جلد بلوچستان میں بھی مکمل امن لوٹ آئے گا اورپھرپاکستان کا ترقی کا سفر بھی تیز ہوجائےگا
شیخ رشید کا کہنا تھا کہ صوبہ بلوچستان پاکستان کی ترقی کا راستہ ہے۔ صوبے میں سرمایہ کاری کے بے پناہ مواقع ہیں۔

وفاقی وزیرداخلہ شیخ رشید کا کہنا تھا کہ گوادر دنیا کی بہترین گہرے سمندر کی بندر گاہ ہے۔ گوادر بلوچستان کا نقشہ تبدیل کردے گا۔ امن امان کے حوالے سے مجموعی طور پر پاکستان میں پر امن ہے۔ بلوچستان میں جغرافیہ کے حوالے سے امن وامان ایک بڑا چیلنج ہے۔

وزیر داخلہ شیخ رشید نے اس موقع پرکہا کہ سسرمایہ کارصرف امن وامان کو دیکھتا ہے۔ہم نے ساز گار ماحول پیدا کیا ہے۔پاکستان نے افغانستان میں پائیدار امن کے لئے ایک کلیدی کردار ادا کیا ہے۔ہم نے تقریباً ایک لاکھ افغان شہر یوں کوافغانستان سے نکلنے میں مدد دی

ان کا کہنا تھا کہ پاکستان انسانی ہمدردی کی بنیادوں پر طالبان حکومت کی مدد کررہاہے۔ دنیا کو طالبان حکومت کو وقت دینا چاہیے۔افغانستان کے حالات چند دنوں میں تبدیل نہیں ہوسکتے۔ معاملات مذاکرات سے حل ہونے چاہئیں۔امن امان کے لئے ہم نے 80 ہزار جانوں کی قربانی دی۔

شیخ رشید کا کہنا تھا کہ دہشت گردی کی جنگ میں پاکستان نے 150 ارب ڈالر کا معاشی نقصان اٹھایا- افغان مہاجرین کی واپسی کا زیادہ انحصار افغانستان کی معاشی حالات کی بہتری پر ہے۔ چالیس لاکھ افغان مہاجرین کی چار دہائیوں سے دیکھ بھال کر رہے ہیں۔

ان کا کہنا تھا کہ بلوچستان حکومت کو امن اومان کے لئے ضروری وسائل اور تکنیکی معاونت فراہم کر رہے ہیں۔ ورکشاپ کے شرکاء نے وزیر داخلہ شیخ رشید احمد سے سوالات بھی کئے۔ورکشاپ کے شرکاء نے وزیر داخلہ شیخ رشید احمد سے انکے بڑے بھائی کی وفات پر تعزیت کی۔ ایصال ثواب کے لئے دعا بھی کی۔ ورکشاپ کے اختتام پر یادگاری شیلڈز کا تبادلہ کیا گیا۔نیشنل ورکشاپ بلوچستان کا انعقاد ساتھرن کور بلوچستان نے کیا۔

Leave a reply