اسلام آباد پولیس نے ایس پی عدیل اکبر کی مبینہ خودکشی کے واقعے سے متعلق ابتدائی تحقیقاتی رپورٹ تیار کر لی ہے۔
رپورٹ کے مطابق، ایس پی عدیل اکبر نے خودکشی کی، جبکہ تحقیقاتی کمیٹی نے واقعے سے متعلق ان کے ڈرائیور، آپریٹر اور گن مین کے بیانات قلم بند کر لیے ہیں۔تحقیقات میں شامل ڈاکٹر کے بیان کے مطابق، عدیل اکبر ”ڈیپ روٹیڈ اسٹریس“ کا شکار تھے۔ ڈاکٹر نے بتایا کہ وہ 8 اکتوبر کو چیک اپ کے لیے آئے تھے، تاہم اس ملاقات میں عدیل اکبر نے کہا تھا کہ وہ اپنے کام سے مطمئن اور خوش ہیں۔رپورٹ کے مطابق، عدیل اکبر پروموشن نہ ہونے کے باعث دل برداشتہ تھے اور وہ ماضی میں خودکشی کے خیالات کا اظہار بھی کر چکے تھے۔ ڈاکٹر نے ان کے اہلِ خانہ کو مشورہ دیا تھا کہ انہیں بلیڈز اور اسلحے سے دور رکھا جائے۔
پولیس حکام کے مطابق، واقعے کی تفصیلی رپورٹ اعلیٰ حکام کو ارسال کر دی گئی ہے، جبکہ تفتیش کے دیگر پہلوؤں کا جائزہ بھی جاری ہے
اینکر امتیاز علی میر کے قاتل گرفتار، کالعدم تنظیم سے تعلق کا انکشاف
سیالکوٹ: باغی ٹی وی میں نئے نمائندوں کی شمولیت، مثبت اور عوامی خدمت پر مبنی صحافت کے نئے عزم کا آغاز
