عدنان صدیقی بھی کورونا کا شکار ہو گئے

پاکستانی اداکار عدنان صدیقی بھی عالمی وبا کورونا کا شکار ہوگئے۔

باغی ٹی وی :پاکستانی اداکارعدنان صدیقی نے سماجی رابطے کی ویب سائٹ انسٹاگرام پر اپنے مداحوں کو آگاہ کیا کہ وہ بھی آج کورونا کا شکار ہوگئے ہیں۔

انہوں نے لکھا کہ کورونا نے مجھے بھی اپنی لپیٹ میں لے ہی لیا ہے لیکن شکرہے کہ انہیں اففیکشن اتنا زیادہ نہیں تاہم انہوں نے خود کوقرنطینہ کرلیا ہے۔

اداکار نے مزید کہا کہ وہ تمام لوگ جو ان سے گزشتہ ہفتے سے رابطے میں رہے انہیں چاہیئے کہ وہ بھی کورونا ٹیسٹ کرالیں۔

اداکار کی پوسٹ پر کمنٹ کرتے ہوئے صبا قمر، فریحہ الطاف، حرا مانی، اعجاز اسلم سمیت ان کے چاہنے والے جلد صحتیابی کی دعا کررہے ہیں۔

واضح رہے کہ ملک بھر میں کورونا وائرس کی چوتھی لہر کے وار جاری ہیں، دنیا بھر کی طرح پاکستان میں بھی کورونا وائرس کی ہلاکت خیزیوں اور کیسز میں مسلسل اضافہ ہو رہا ہے۔