عدنان صدیقی نے سابق قومی کپتان سرفراز احمد سے معافی مانگ لی

پاکستان شوبز انڈسٹری کے معروف اداکار عدنان صدیقی نے سابق قومی کرکٹ کپتان سرفراز احمد کا مذاق اڑانے اور ان کی تضحیک کرنے پر لائیو شو کے دوران معافی مانگ لی تاہم فہد مصطفی نے اس موضوع کو ہی غیر اہم قرار دے دیا

باغی ٹی وی :پاکستان شوبز انڈسٹری کے معروف اداکار عدنان صدیقی نے سابق قومی کپتان سرفراز احمد کا مذاق اڑانے اور ان کی تضحیک کرنے پر لائیو شو کے دوران معافی مانگ لی دو روز قبل سوشل میڈیا پر ایک ویڈیو وائرل ہوئی تھی جس میں نجی ٹی وی چینل سے نشر ہونے والے گیم شو’’جیتو پاکستان لیگ‘‘ کے دوران عدنان صدیقی نے سرفراز احمد کے ہکلاکر بولنے کی نقل اتارتے ہوئے ان کے بولنے انداز کا مذاق اڑایا تھا

ویڈیو وائرل ہونے کے بعد عدنان صدیقی کی اس حرکت کو سوشل میڈیا پر صاعفین کی جانب سے بے حد تنقید کا نشانہ بنایا گیا تھا اور صارفین نے انہیں آڑے ہاتھوں لیتے ہوئے ان سے سرفراز احمد سے معافی مانگنے کا مطالبہ کیا تھا سوشل میڈیا پر ہونے والی تنقید کے بعد عدنان صدیقی نے گزشتہ روز لائیو شو کے دوران سابق کپتان سے اپنی حرکت کی معافی مانگی لی
https://www.instagram.com/p/B_9FQijhIUR/?igshid=1qoup8hlv4lol
عدنان صدیقی نے کہا کہ سرفرازمیں آپ کے پرستاروں، آپ کے گھر والوں اور دوستوں سے معذرت چاہتاہوں میں قسم کھا کر کہہ رہاہوں میں نے اس حوالے سے کوئی بات نہیں کی تھی جس سے سرفراز کا یا ان کے دوستوں کا دل دکھے

اس موقع پر سرفراز نے کہا آپ کو کچھ کہنے کی ضرورت نہیں ہے عدنان صدیقی نے کہا آپ مجھ سے ناراض تو نہیں ہیں نا جس پر سرفراز نے کہا نہیں میں آپ سے ناراض نہیں ہوں

تاہم اس دوران شو کے میزبان فہد مصطفی نے مداخلت کرتے ہوئے کہا کہ آپ ہمارے بڑے ہیں آپ ہمیں لائیو تھپڑ بھی ماردیں گے تو کوئی فرق نہیں پڑے گالہذا یہ فضول کی باتیں ہیں ہم آپ سے معافی مانگتے ہیں کہ لوگ اس طرح کی باتیں کررہے ہیں اور ہم آپ سے پیار کرتے ہیں بعد ازاں انہوں نے ایک بار پھر سرفراز احمد کا اسی انداز میں مذاق اڑایا جس طرح عدنان صدیقی نے اڑایا تھا

ہمایوں سعید ایسے محنت کرتے رہے تو شاید حادثاتی طور پر انہیں اداکاری آ جائے نعمان اعجاز

ارطغرل غازی پر تنقید کے جواب میں ہم نیوز کے سنئیر پروڈیوسر نے شان شاہد کو کھری کھری سنا دیں