افغان طالبان نے امریکہ کے ساتھ مل کرافغانستان میں حکومت کرنے کا عندیہ دے دیا ، بھارت، ایران سمیت کئی ممالک غم میں ڈوب گئے

0
38

نیویارک:افغان طالبان نے امریکہ کے ساتھ مل کرافغانستان میں حکومت کرنے کا عندیہ دے دیا ، بھارت، ایران سمیت کئی ممالک غم میں ڈوب گئے ،اگروہ امریکہ کے ساتھ مل کرافغانوں کومارسکتے ہیں توہم امریکہ کے ساتھ مل کرافغانستان میں حکومت کرسکتے ہیں ، افغان طالبان کے اعلان سے دنیا میں کھلبلی مچ گئی ،

اطلاعات کےمطابق حقانی نیٹ ورک کے سربراہ اور افغان طالبان کے ڈپٹی کمانڈر سراج الدین حقانی نے کہا ہے کہ ہم امریکہ کے ساتھ معاہدہ کرنے جا رہے ہیں، اس کی کامیابی کا انحصار امریکہ کی طرف سے وعدوں کی تکمیل پر ہے، اگر امریکا نے وعدے پورے کیے تو تب ہی اس پر پورا اعتماد کر سکتے ہیں اور مستقبل میں امریکا کے ساتھ تعاون حتیٰ کہ شراکت داری کی بنیاد رکھی جا سکتی ہے۔

امریکی اخبار نیویارک ٹائمز میں لکھے اپنے مضمون میں سراج حقانی نے کہا کہ اگرافغان کٹھ پتلی اورافغان دشمن عناصرامریکہ سے مل کرافغانوں کا قتل عام کرسکتے ہیں توہم امریکہ کے ساتھ مل کر حکومت کرکے افغانوں کو بچاسکتے ہیں ،امریکہ کے حوالے سے بداعتمادی کے باوجود ہم نے امن کے لئے ایک اور کوشش کرنے کا فیصلہ کیاکیونکہ افغانستان میں ہر کوئی جنگ سے تھک چکا ہے اور میں سمجھتا ہوں کہ قتل و غارت کوبند ہونا چاہئے۔

انہوں نے کہا امریکی انخلا کے بعد افغانستان میں اتفاق رائے سے حکومت قائم ہوگی۔ انٹرا افغان مذاکرات کے دوران کسی بھی فریق کی طرف سے پیشگی شرائط عائد نہیں ہونی چاہئیں۔ ہم دیگر افغان گروپوں سے مل کر کام کرنے کیلئے پرعزم ہیں تاکہ ایسے سیاسی نظام پر اتفاق ہو سکے جس میں کوئی افغان خود کو باہر خیال نہ کرے۔

یاد رہےکہ افغانستان میں اس وقت بھارت ، ایران اورکئی پاکستان مخالف ملک امریکہ سے ملکرافغان طالبان کوشکست دینے کے لیے کئی سالوں‌سے کھیل کھیل رہے ہیں ، تاہم اب افغان طالبان کےاعلان کے بعد بدلتی ہوئی صورت حال نے ان پاکستان مخالف قوتوں پرغموں کے پہاڑ توڑ دیئے ہیں، یہ ممالک سمجھتے ہیں کہ ان کے اربوں ڈالرزسرمایہ اوربڑی تعداد میں جانیں بھی ضائع ہوگئیں‌ مگرالٹا فائدے کی بجائے نقصان ہوگیا

Leave a reply