fbpx

طالبان افغانستان کرکٹ بورڈ کے ہیڈ کوارٹر بھی پہنچ گئے:کرکٹ کے فروغ کےلیے مشاورت

کابل :طالبان افغانستان کرکٹ بورڈ کے ہیڈ کوارٹر بھی پہنچ گئے:کرکٹ کے فروغ کےلیے مشاورت،اطلاعات کے مطابق طالبان نے سابق افغان کرکٹر عبداللہ مزاری کے ہمراہ جمعرات کے روز کابل میں افغانستان کرکٹ بورڈ کے ہیڈ کواٹر کا دورہ کیا ہے۔

افغان طالبان کے افغانستان کرکٹ بورڈ کے ہیڈ کواٹر کے دورے کی تصویر سوشل میڈیا پر گردش کرر ہی ہے۔یہ بھی معلوم ہوا ہے کہ بہت جلد اس حوالے سے ایک پالیسی بھی وضح کی جائے گی

تصویر میں بھاری ہتھیاروں سے لیس طالبان جنگجو ؤں کو کابل میں افغانستان کرکٹ بورڈ کے ہیڈ کوارٹر کے کانفرنس ہال میں بیٹھے ہوئے دیکھا جا سکتا ہے۔
طالبان افغانستان کے سابق کھلاڑی عبداللہ مزاری کے ہمراہ جمعرات کو کابل میں افغانستان کرکٹ بورڈ کے ہیڈ کوارٹر پہنچے تھے۔

تازہ ترین پیش رفت کے مطابق افغانستان کرکٹ بورڈ کے چیف ایگزیکیٹو (سی ای او) حامد شنواری نے کرکٹ کے شائقین کو یقین دہانی کروائی ہے کہ افغانستان میں طالبان کے قبضے اور سیاسی بحران کے دوران کرکٹ کو نقصان نہیں پہنچے گا۔

افغانستان اور پاکستان کے درمیان 3 سے 9 ستمبر تک طے شدہ3 میچوں کی ون ڈے سیریز کی میزبانی افغانستان نے کرنی ہے اور یہ سیریز سری لنکا میں شیڈول ہے ۔