افغان طالبان کے وفد کی روس میں اہم ملاقاتیں

روس: افغان طالبان کے وفد کی روس میں اہم ملاقاتیں ہوئی ہیں جس میں امریکا کے ساتھ مذاکرات کا معاملہ زیر بحث لایا گیا.

تفصیلات کے مطابق امریکہ کے ساتھ مذاکرات ختم ہونے کے بعد افغان طالبان کا وفد روس پہنچا ہے، جہاں ان کی ملاقاتیں اہم عہدیداروں سے ہوئی ہیں. اس موقع پر طالبان کے سینئر رہنما نے انکشاف کیا کہ اس دورے کا مقصد لوگوں کا بتانا ہے کہ امریکی صدر ڈونلڈ ٹرمپ نے مذاکرات اس وقت ملتوی کیے جب معاملات حل ہونے کے بالکل قریب تھے، اور معاہدے پر صرف دستخط ہونا باقی تھے. ساتھ ہی انہوں نے کہا کہ ہم لوگ مذاکرات کرنے کیلئے تیار بیٹھے ہیں.

دوسری جانب روس کی جانب سے امید ظاہر کی گئی کہ افغان طالبان اور امریکا کے درمیان مذاکرات دوبارہ سے ہوں گے اور یہ معاملہ جلد ہی حل کرلیا جائے گا.