افغانستان کی صورتحال،وزیراعظم نے اہم اجلاس طلب کر لیا

0
25

وزیر اعظم عمران خان نے افغانستان کی صورتحال پر اہم اجلاس طلب کر لیا

اجلاس میں وزیر داخلہ شیخ رشید، وزیر دفاع اوروفاقی وزیر اطلاعات شرکت کریں گے اجلاس میں افغانستان کی موجودگی صورتحال پر بات چیت ہوگی وزیر اعظم اجلاس میں افغانستان کے معاملے پر بریف کریں گے اجلاس میں ملک کی موجودگی صورتحال کا جائزہ بھی لیا جائے گا، افغان سیاسی وفد کے دورہ پاکستان کے حوالہ سے بھی اجلاس کو بریف کیا جائے گا،. وزیراعظم عمران خان مختلف ممالک کے سربراہوں کے ساتھ رابطوں کے حوالہ سے بھی اجلاس کو آگاہی دیں گے

اجلاس میں افغانستان کی صورتحال کے حوالہ سے مشاورت کی جائے گی، اجلاس کے بعد میڈیا کو بھی بریفنگ متوقع ہے

قبل ازیں وزیر خارجہ شاہ محمود قریشی نے افغانستان کی صورتحال کے حوالہ سے بیان دیتے ہوئے کہا کہ افغانستان کی بدلتی ہوئی صورتحال پر سب کی نظرہے،سب افغانستان میں امن و استحکام چاہتے ہیں،کوئی بھی افغانستان میں خونریزی نہیں چاہتا،سب چاہتے ہیں کہ افغان طالبان اور سابقہ حکمران سب مل بیٹھ کر ایک ایسا سیاسی ڈھانچہ تشکیل دیں جس میں سب کی شمولیت ہو -جو سب کیلئے قابلِ قبول ہو تاکہ معاملات معمول کی جانب بڑھیں،افغانستان سے پر امن انخلاء کے حامی ہیں،پاکستان اپنا مثبت کردار ادا کرنے کیلئے پر عزم ہے، کابل میں تعینات ہمارے سفیر کے بھی مختلف شخصیات کے ساتھ روابط ہو رہے ہیں، پاکستان آئے ہوئے، افغان وفد کی میرے ساتھ اور وزیراعظم عمران خان صاحب کے ساتھ ملاقات اور تبادلہ ء خیال ہوا سب امن کے خواہاں ہیں، ہمیں یہ بھی احساس ہے کہ کچھ امن مخالف قوتیں "اسپائیلرز” کا کردار ادا کرنے کیلئے متحرک ہیں، یہ افغان قیادت کی فہم و فراست کا امتحان ہے کہ وہ ان چیلنجز کے ساتھ کیسے نمٹتے ہیں ،افغانستان کی عوام امن چاہتی ہے،دنیا دیکھنا چاہتی ہے طالبان جو کہہ رہے ہیں کیا اس پرعمل بھی کررہے ہیں؟ ،دوسرے فریق کو بھی افغانستان کے مفاد کوترجیح دینی چاہیے فیصلہ، افغانستان کی عوام نے کرنا ہے،

واضح رہے کہ کابل پر طالبان کا مکمل کنٹرول ہے، طالبان ترجمان ذبیح اللہ مجاہد نے پریس کانفرنس میں عالمی دنیا اور افغان قوم کو اہم پیغام دیے، کابل میں حالات زندگی معمول پر ہیں، تعلیمی ادارے، بازار کھلے ہیں، خواتین بھی دفاتر میں کام کر رہی ہیں، طالبان میں اس بار بدلاؤ آیا ہے اور خواتین کو بھی کام کرنے کی اجازت دی گئی ہے، طالبان کی جانب سے کسی قسم کی کوئی رکاوٹ نہیں ڈالی جا رہی،کابل سے نمائندہ باغی ٹی وی کی رپورٹ کے مطابق طالبان نے شہریوں سے گزشتہ روز اسلحہ جمع کیا اور کہا کہ اب حفاظت ہماری ذمہ داری ہے، طالبان نے ریڈیو ،ٹی وی کے دفاتر سمیت مختلف مقامات کا بھی دورہ کیا اور ملازمین سے بات چیت کی،

افغان طالبان کی جانب سے شہریوں کو مسلسل پیغامات دیئے جا رہے ہیں کہ وہ اپنے کام معمول کے مطابق جاری رکھیں، دوسری جانب افغان شہریوں کی جانب سے بھی طالبان کا خیر مقدم کیا جا رہا ہے، افغان شہری طالبان کے ہوتے ہوئے اپنے آپ کو محفوظ تصور کر رہے ہیں

طالبان کی حمایت میں بولنے پر بھارت میں دو مقدمے درج

حامد کرزئی،عبداللہ عبداللہ سے طالبان رہنماؤں کی ملاقات، بڑی یقین دہانی کروا دی

طالبان رہنما متحرک، حامد کرزئی کے بعد گلبدین حکمت یار سے ملاقات

امریکا اور اس کے حواریوں کی طرح بھارت بھی کشمیر سے بھاگے گا، سید علی گیلانی

افغان طالبان کا خواتین سمیت سب شہریوں کو اپنی ملازمتوں پر جانے کی ہدایت

ترکی طالبان کے ساتھ تعاون کے لیے تیار

امریکی سیکریٹری خارجہ کا سعودی وزیر خارجہ سے رابطہ

انتظار کی گھڑیاں ختم، طالبان کا اسلامی حکومت تشکیل دینے کا اعلان

طالبان اب واقعی بدل گئے، کابل کے شہریوں کی رائے

ملا عبدالغنی برادر نے کابل کی فتح پر مبارکبادی پیغام جاری کر تے ہو ئے کہا ہے کہ ‏افغانستان کی پوری مسلم ملت باالخصوص کابل کے شہریوں کو فتح پر مبارکباد پیش کرتے ہیں اللہ کی مدد و نصرت سے یہ کامیابی حاصل ہوئی ہے اللہ کا ہر وقت عاجزی کے ساتھ شکر ادا کرتے ہیں۔ کسی غرور اور تکبر میں مبتلا نہیں ہیں ملا عبدالغنی برادر نے کابل کی فتح پر مبارکبادی پیغام جاری کرتے ہوئے کہنا تھا کہ ‏طالبان کا اصل امتحان اور آزمائش اب شروع ہوئی ہے کہ وہ کیسے افغان عوام کی خدمت کرتے ہیں اور دنیا کے لیے ایک ایسی مثال بنتے ہیں، جس کی باقی دنیا پیروی کرے

افغانستان میں کیسی حکومت ہونی چاہئے؟ شاہ محمود قریشی کی تجویز سامنے آ گئی

Leave a reply