fbpx

افغانستان:نامعلوم افراد کی فائرنگ سے سابق سینیٹر بھتیجے سمیت ہلاک

کابل:افغانستان:نامعلوم افراد کی فائرنگ سے سابق سینیٹر بھتیجے سمیت ہلاک،اطلاعات کے مطابق افغانستان میں نامعلوم افراد کی فائرنگ سے سابق سینیٹر بھتیجے سمیت ہلاک ہوگئے ہیں اوراس وقت صورت حال بہت کشیدہ ہے

مقامی حکام کے مطابق افغان صوبے غور میں فائرنگ کا واقعہ جمعرات کی دوپہر ضلع دولت یار میں اس وقت پیش آیا جب احد خان اپنے گھر واپس جارہے تھے۔

مقامی حکام کے مطابق فائرنگ کے واقعے میں سابق سینیٹر احد خان اور ان کے بھتیجے ہلاک ہوگئے ۔مقامی حکام کے مطابق احد خان سابق افغان حکومت میں سینیٹر اور صوبائی کونسل کے رکن تھے۔

یاد رہےکہ چند دن پہلے افغانستان کے صوبے کنڑ میں بم دھماکا سے ضلع شگل کا پولیس چیف ہلاک اور 11 افراد زخمی ہو گئے تھے۔

غیر ملکی خبر ایجنسی کے مطابق طالبان عہدیدار کا کہنا ہے کہ دھماکا کنڑ کے دارالحکومت اسدآباد میں ہوا، دھماکے میں شگل ڈسٹرکٹ پولیس چیف کی گاڑی کو نشانہ بنایا گیا۔

رپورٹ کے مطابق کنڑ اسپتال کی انتظامیہ نے 11 زخمیوں کے اسپتال لائے جانے کی تصدیق کرتے ہوئے بتایا کہ زخمیوں میں 4 طالبان اراکین اور 7شہری شامل تھے۔

خبر ایجنسی کے مطابق کنڑ دھماکے کی ذمہ داری تاحال کسی گروپ نے قبول نہیں کی ۔