fbpx

افغانستان کے معاملے پرپاکستان پر بہت بڑا پریشر آئے گا:لیکن گبھرانا نہیں‌: وزیراعظم عمران خان

اسلام آباد:افغانستان کے معاملے پرپاکستان پر بہت بڑا پریشر آئے گا:لیکن گبھرانا نہیں‌ً اطلاعات کے مطابق وزیراعظم عمران خان نے خدشہ ظاہر کیا ہے کہ افغانستان کے معاملے پر پاکستان پر بہت بڑا پریشر آئے گا،

اسلام آباد میں اپنے زیر صدارت حکومتی رہنماؤں کے ایک اہم اجلاس سے خطاب کرتے ہوئے وزیراعظم کا کہنا تھا کہ لیڈرشپ کا تقاضا ہے کہ دباؤ برداشت کرنے کی صلاحیت ہونی چاہیے۔

وزیراعظم نے اس موقع پرعزم مصمم کا اظہارکرتے ہوئے کہا کہ مشکل فیصلے کرنے پھر ان پر کھڑا ہونا ہوتا ہے۔

اس موقع پرگفتگو کرتئے ہوئےوزیراعظم کا کہنا تھا کہ کورونا وائرس کے دوران ہم نے مشکل فیصلے کیے، جن کے بہتر نتائج سامنے آئے۔ انسان کوشش کرکے تو ناممکن کو ممکن بنا سکتا ہے۔ ہم نے ایک نظریے کی بنیاد پر سیاست کا آغاز کیا، آج تحریک انصاف ملک کی سب سے بڑی جماعت بن چکی ہے۔

ذرائع کے مطابق اجلاس میں حکومت کی تین سالہ کارکردگی رپورٹ پر تجاویز طلب کرتے ہوئے کہا کہ کسی قسم کی کاہلی اورسستی برداشت نہیں کی جائے گی

وزیراعظم عمران خان نے کہا کہ حکومت 40 لاکھ افراد کو غربت سے نکالنے کا کامیاب پاکستان منصوبہ لانچ کرنے جا رہی ہے۔

وزیراعظم کے زیر صدارت اجلاس میں لوگوں کو کامیاب پاکستان منصوبے کی آگاہی دینے کے لیے مہم چلانے کا فیصلہ بھی کیا گیا، اس موقع پر زراعت کے شعبے میں اصلاحات پر ترجمانوں کو بریفنگ دی گئی۔