اداکار عابد علی کی موت سے خاندان تقسیم ہوگیا ، ایک دوسرے پر الزام تراشی شروع ہوگئی

کراچی: اللہ کے نبی صلی اللہ علیہ واٰلہ وسلم کسی کی وفات کے بعد یہ دعا فرما یا کرتے تھے کہہ اے اللہ مرنے والے کے بعد خاندان والوں کو آزمائش میں مبتلا نہ کرنا ان کو فتنوں سے محفوظ رکھا ،ایسے ہی پاکستان کے لیجنڈ اداکار عابد علی گزشتہ روز اپنے تمام چاہنے والوں کو سوگوار چھوڑ کراس دنیا سے کوچ کرگئے تاہم ان کی بیٹی راحمہ علی نے اپنی سوتیلی والدہ پر الزام لگایا ہے کہ وہ ان کے والد کی میت بغیر کسی کو بتائے اپنے ساتھ لے گئیں۔

ذرائع کے مطابق پاکستان ڈراما انڈسٹری کے لیجنڈ اداکار عابد علی گزشتہ روز طویل علالت کے بعد انتقال کرگئے تاہم جہاں عابد علی کی موت کی خبرسامنے آئی وہیں ان کے اہلخانہ کے درمیان گھریلو ناچاقیاں بھی منظر عام پر آنا شروع ہوگئیں۔

https://www.facebook.com/watch/?ref=external&v=2547567708863216

مرحوم ادکارعابد علی کی چھوٹی بیٹی راحمہ علی نے ایک ویڈیو پیغام جاری کیا ہے جس میں وہ روتے ہوئے بتارہی ہیں کہ وہ ان کی والدہ، ان کی بہنیں اور ان کے دیگر رشتے دار اسپتال میں موجود ہیں لیکن انہیں یہاں آکر پتہ چلا کہ ان کے والد کی دوسری بیوی اوران کی سوتیلی والدہ رابعہ نورین ان کے والد کی میت بغیر کسی کو بتائے لے گئیں۔

یاد رہے کہ عابد علی نے دو شادیاں کی تھیں۔ ان کی پہلی بیوی کا نام حمیرا علی ہے جس سے ان کی تین بیٹیاں ایمان، راحمہ اورمریم علی ہیں۔ جب کہ عابد علی نے اداکارہ رابعہ نورین سے 2006 میں دوسری شادی کی تھی۔

جواب چھوڑیں

آپ کا ای میل ایڈریس شائع نہیں کیا جائے گا.