بڑھتی مہنگائی کیخلاف عوام کو کیسے اپنا ہم نوا بنایا جائے، پی ڈی ایم اجلاس جاری،مشاورت شروع

0
19

اسلام آباد:بڑھتی مہنگائی کیخلاف عوام کو کیسے اپنا ہم نوا بنایا جائے، پی ڈی ایم اجلاس جاری،مشاورت شروع،اطلاعات کے مطابق ملک بھر میں بڑھتی ہوئی مہنگائی کیخلاف حکومت مخالف اتحاد پاکستان ڈیمو کریٹک موومنٹ (پی ڈی ایم) کا اجلاس امیر جمعیت علمائے اسلام (ف) مولانا فضل الرحمان کی سربراہی میں شروع ہو گیا۔

ملک بھر میں بڑھتی ہوئی مہنگائی کیخلاف احتجاج کی عملی پر غور کے لیے پاکستان ڈیمو کریٹک موومنٹ (پی ڈی ایم) میں شامل جماعتوں کا اجلاس شروع ہو گیا، اجلاس کی سربراہی حکومت مخالف اتحاد کے سربراہ مولانا فضل الرحمان کر رہے ہیں جبکہ پی ڈی ایم میں شامل جماعتوں کی قیادت ویڈیو لنک کے ذریعے شریک ہے۔

اجلاس کے دوران پاکستان مسلم لیگ ن کے قائد، پاکستان مسلم لیگ ن کے صدر شہباز شریف ، پاکستان مسلم لیگ ن کی نائب صدرمریم نواز، محمود اچکزئی، سردار اختر مینگل اور آفتاب شیرپائو شریک ہیں۔

اجلاس میں دس نومبر کو ہونے والے پارلیمنٹ کے مشترکہ اجلاس کے حوالے سے حکمت عملی پر غور ہو گا، پڑولیم مصنوعات کی بڑھتی قیمتوں کا معاملہ بھی اجلاس میں زیر غور آئے گا، اجلاس میں بڑھتی مہنگائی کے خلاف احتجاج کی حکمت عملی پر بھی غور ہو گا۔

خیال رہے کہ چند روز قبل وزیراعظم عمران خان نے قوم سے خطاب کرتے ہوئے کہا تھا کہ پٹرولیم مصنوعات کی قیمتوں میں اضافہ کرنا ناگزیر ہے ورنہ خسارہ بڑھ جائے گا۔

خطاب کے ایک روز کے بعد وفاقی حکومت نے پٹرولیم مصنوعات کی قیمتوں میں ہوشربا اضافہ کر دیا، پٹرول فی لٹر کی قیمت میں 8 روپے سے زائد کا اضافہ دیکھا گیا تھا۔

Leave a reply