دنیا اگلے 60 سالوں میں کورونا سے بڑے وبائی مرض سے نمٹنے کے لیے تیاررہے ماہرین

0
19

حالیہ تحقیق کے تناظر میں ماہرین نے خبردار کیا ہے کہ اگلے 60 سالوں میں دوبارہ کورونا جیسی وبائی بیماری پھیلنے کا امکان ہے۔

باغی ٹی وی : تفصیلات کے مطابق ماہرین نے 400 سالوں میں لاعلاج بیماریوں کے پھیلاؤ پر تحقیق کی ہے ان کا کہنا ہے کہ کوویڈ 19 ایک صدی سے زیادہ عرصے میں ہونے والی مہلک ترین وائرل وبا میں سے ایک ہے-

پاکستان میں کورونا کے باعث مزید 91 اموات

ماہرین کا کہنا ہے کہ وقت کے ساتھ ساتھ بدترین وبائی مرض پھیلنے کا امکان بڑھتا جا رہا ہے اعدادوشمار کے مطابق ، انتہائی وبائی امراض اتنے نایاب نہیں ہیں جتنے پہلے فرض کیے جاتے تھے 2080 میں دوبارہ کورونا جیسی وبائی بیماری پھیلنے کا امکان ہے کوویڈ 19 اور اسی طرح کے عالمی پیمانے پر وبا کے امکانات کسی بھی سال دو فیصد ہوتے ہیں۔

ماہرین نے ایک مفروضے میں کہا ہے کہ جو شخص سال 2000 میں پیدا ہوا ہے اس کے پاس ایک وبائی مرض کا تجربہ کرنے کا 38 فیصد موقع ہوگا ، اور وہ اپنی 60 ویں سالگرہ تک دوسرے مرض کا تجربہ کرے گا۔

محقیقین کا کہنا ہے کہ ممکنہ طور پر آبادی میں اضافے ، خوراک کے نظام میں تبدیلیوں ، ماحول کی تباہی اور انسانوں اور بیماریوں سے محفوظ رہنے والے جانوروں کے درمیان زیادہ رابطے کی وجہ سے وبائی امراض کا خطرہ بڑھ رہا ہے دنیا کو کورونا سے بڑے وبائی مرض اور اس کے پھیلاو سے نمٹنے کے لیے تیار رہنا ہوگا کیونکہ ہم تیزی سے اس کے جانب بڑھ رہے ہیں۔

نیوزی لینڈ: کورونا کے بڑھتے کیسز لاک ڈاؤن میں توسیع، پارلیمنٹ بند

Leave a reply