fbpx

احد رضا اور سجل علی کی ویب سیریز”دھوپ کی دیوار” کا ٹریلر ریلیز

اداکارہ سجل علی اور اداکار احد رضا میر کی ویب سیریز ‘دھوپ کی دیوار’ کا ٹریلر ریلیز کردیا گیا۔

باغی ٹی وی : معروف ڈراما اور ناول نگار عمیرہ احمد کی تحریر کردہ کہانی پر بنی ویب سیریز ‘ دھوپ کی دیوار’ کی ہدایات حسیب حسن نے دی ہیں جو محبت، خاندان اور نقصان کی داستان سناتی ہے اس میں احد رضامیر اور سجل علی نے مرکزی کردار ادا کئے ہیں-

مقبوضہ کشمیر میں بھارتی مظالم اور وہاں 2019 میں ہونے والے پلوامہ حملے کے تناظر میں بنائی جانے والی اس ویب سیریز کو یوں تو سرحد پار محبت کی کہانی کے طور پر پیش کیا جارہا ہے لیکن یہ سیریز اس سے کہیں زیادہ ہے۔


ٹریلر میں دیکھا جاسکتا ہے کہ ویشال (احد رضا میر) اور سارہ (سجل علی) جب جنگ میں اپنے والد کو کھودیتے ہیں تو اپنی زندگیوں کو ایک دوسرے سے جڑا ہوا پاتے ہیں اور ان کا مشترکہ دکھ ان کی دوستی کی بنیاد بن جاتا ہے جس سے ان کے خاندان ناخوش ہوتے ہیں۔

جنگ، دکھ اور ایک دوسرے کے دکھ سے واقفیت کی اس کہانی پر مبنی ٹریلر نے مداحوں کو بہت متاثر کیا ہے اور وہ جلد ویب سیریز ریلیز ہونے کے منتظر ہیں۔


اسما نام صارف نے لکھا کہ میں اس ویب سیریز کا بے صبری سے انتظار کررہی ہوں۔


ایک اور صارف نے کہا کہ احد اور سجل کے علاوہ میں منظرصہبائی کی پرفارمنس کا منتظر ہوں، مجھے الف میں ان کی پرفارمنس بہت پسند آئی تھی۔