fbpx

شاہ سلمان کی جانب سے گلگت بلتستان میں‌ سیلاب متاثرہ خاندانوں کے لیے امداد

اسلام آباد:شاہ سلمان کی جانب سے گلگت بلتستان میں‌ سیلاب متاثرہ خاندانوں کے لیے امداد ،اطلاعات کے مطابق شاہ سلمان كے فلاحی امدادی ادارے كی طرف سے گلگت بلتستان کے سیلاب سےمتاثرہ1000 گھرانوں میں اشیاء خوردونوش كی تقسیم کا عمل مکمل ہوگیا ہے

شاہ سلمان كے فلاحی امدادی ادارے كی طرف سے متاثرہ علاقوں میں تقریباً 7 ہزار افراد مستفید ہوئے اس فوڈ پیكیج میں تمام ضروری اشیائے خوردونوش شامل تھیں ۔ ایك فوڈ پیك 41 كلوگرام پر مشتمل جس میں 20 كلو فائن آٹا ،5كلو چاول ، 5لیٹر كوكنگ آئل ،5كلو دال چنا، 5كلو چینی اور 1كلو چائے شامل تھیں ۔

جوكہ NDMA اور حیات فاونڈیشن كے تعاون سے گلگت بلتستان کے ضلع غزر ، دیامر ، استور کے متاثرہ دیہاتوں میں شفاف طریقے سے متاثرین میں تقسیم كی گئیں۔