ورلڈ ہیڈر ایڈ

ایک، دو، تین نہیں بلکہ کتنی تعطیلات کا اعلان ہو گیا؟ طلبا کے چہروں پر خوشی

ایک، دو، تین نہیں بلکہ کتنی تعطیلات کا اعلان ہو گیا؟ طلبا کے چہروں پر خوشی

باغی ٹی وی کی رپورٹ کے مطابق سکولوں میں موسم سرما کی تعطیلات کا اعلان کر دیا گیا،محکمہ سکول ایجوکیشن کی جانب سے موسم سرما کی تعطیلات شیڈول کے مطابق 24 سے 31 دسمبر تک ہونگی، یکم جنوری سے سکولوں میں حاضری ہو گی.

ایک ہفتہ پنجاب بھر کے تمام سرکاری و نجی تعلیمی ادارے بند رہیں گے، سردی یا دھند میں اضافے کے باعث چھٹیوں میں اضافہ بھی کیا جا سکتا ہے کیونکہ گزشتہ برس حکومت نے چھٹیوں میں اضافہ کر دیا تھا.

واضح رہے کہ گزشتہ برس پنجاب بھر کے نجی اور سرکاری تعلیمی اداروں میں 24 دسمبر سے 31 دسمبر تک موسم سرما کی تعطیلات کی گئی تھیں۔ تاہم سرد موسم اور شدید دھند کی وجہ سے اسے 15جنوری تک بڑھانے کا اعلان کر دیا گیا تھا۔ اگر موسم میں امسال بھی شدت ہوئی اور سردی میں اضافہ ہوا تو اس برس بھی چھٹیوں میں اضافہ ہو سکتا ہے.

قبل ازیں وفاقی حکومت نے آئندہ سال 2020ء کیلئے قومی ایام اور مذہبی تہواروں پر عام اور اختیاری تعطیلات کا سالانہ کیلنڈر جاری کر دیا ہے۔ وزارت داخلہ کی طرف سے جاری سرکلر کے مطابق سال 2020ء کے دوران عیدالفطر اور عیدالاضحی پر تین، تین تعطیلات ہوں گی، عیدالفطر اور عیدالاضحی کی تعطیلات میں کوئی ردوبدل چاند کی رویت کے حوالہ سے کیا جا سکتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.