fbpx

ایک حیرت انگیز شخص کے ساتھ زندگی کا نیا سفر شروع کرنے جارہی ہوں صبور علی

اداکارہ صبورعلی نے اداکارعلی انصاری سے گزشتہ روز منگنی کی تھی جس کی تصاوہر وائرل ہوتے ہیں ساتھی فنکاروں اور مداحوں کی جانب سے مبارکباد اور نیک خواہشات کے پیغامات کا سلسلہ جاری ہے-

باغی ٹی وی :شوبز انڈسٹری سے وابستہ اس معروف جوڑی نے سوشل میڈیا پر تصویر شیئر کی جس میں دونوں فنکار گلے میں ہار ڈالے خاصے خوش دکھائی دے رہے ہیں۔

سوشل میڈیا ویب سائٹ انسٹاگرام پر علی انصاری کے ساتھ تصویر شیئر کرتے ہوئے صبور علی نے لکھا کہ’ ’بات پکی‘ ہماری فیملی کی نیک تمناﺅں کے ساتھ میں ایک حیرت انگیز شخص کے ساتھ زندگی کا نیا سفر شروع کرنے جارہی ہوں، الحمدللہ۔

خوشی کے اس موقع پر اداکار علی انصاری بھی پیچھے نہ رہے انہوں نے بھی انسٹاگرام پر صبورعلی کے ساتھ تصویر شیئر کی اور لکھا کہ ’بات پکی‘ اس وقت میرے ملے جلے جذبات ہیں لیکن سب سے اہم بات یہ ہے کہ میں خوش ہوں۔

علی انصاری نے صبور علی کو مخاطب کرتے ہوئے لکھا کہ زندگی میں اب کبھی آ پ کو کوئی سفر تنہا نہیں کرنا پڑے گا۔

اس موقع پر علی انصاری نے قرآن پاک کی ایک آیت کا ترجمہ ”اور ہم نے سب سے جوڑے بنائے تاکہ تم ایک دوسرے کو یاد رکھ سکو“ بھی شیئر کیا۔

علی انصاری کی اس پوسٹ پر سجل علی اور ان کی ساس نے بھی مبارکباد دی جبکہ سجل علی کی ساس نے علی جوڑی کو مبارکباد دہتے ہوئے علی انصاری کو فیملی کا حصہ بننے پر خوش آمدید کہا-

سوشل میڈیا صارفین اور ساتھی فنکاروں کی جانب سے جوڑے کے لیے مبارکباد اور مستقبل کے لیے نیک خواہشات کا اظہار کیا جا رہا ہے۔ ظہیر خان نے لکھا کہ میرے لئے بڑی اور حیران کن نیوز ہے، دعا ہے کہ اللہ تعالی دونوں کو خوش رکھے۔

جواب چھوڑیں

آپ کا ای میل ایڈریس شائع نہیں کیا جائے گا.