پاکستانی کامیڈی ویب سریز ’ایک جھوٹی لو اسٹوری‘ دنیا بھر میں ریلیز

پاکستانی خوبرو اداکار بلال عباس خان اور مدیحہ امام کی گزشتہ روزسوشل کامیڈی ویب سریز ’ایک جھوٹی لو اسٹوری‘ دنیا بھر میں ریلیز کی گئی جسے شائقین کی جانب سے خوب پسند کیا جا رہا ہے-

باغی ٹی وی :گزشتہ روز سیریز میں مرکزی کردار اد اکرنے والے اداکار بلال عباس خان اور مدیحہ امام نے سماجی رابطے کی ویب سائٹ انسٹا گرام پر اپنی پوسٹس میں سیریز کا ٹیزر شیئر کرتے ہوئے سیریز کے ریلیز ہونے کا اعلان کیا اور کیپشن میں لکھا کہ کون ہیں سلمیٰ اور سہیل کے آئیڈیلز اب سوال ہوں گے ختم-

فلم کو ڈائریکٹر مہرین جبار نے پروڈیوس کیا ہے فلم کی کہانی معروف مصنفہ عمیرہ احمد نے لکھی ہے انہوں نے پہلی مرتبہ سوشل کامیڈی ویب سریز لکھی ہے جبکہ بلال عباس خان اور مدیحہ امام نے مرکزی کردارادا کئے ہیں-

ایک جھوٹی لو اسٹوری کی کہانی متوسط طبقے سے تعلق رکھنے والے خاندانوں کے دو کرداروں سلمیٰ اور سہیل کے گرد گھومتی ہے جو اپنے لیے جیون ساتھی کی تلاش میں ہوتے ہیں۔

مدیحہ امام کا کہنا ہے کہ مہرین جبار کی ڈائریکشن میں کام کرنے کی خواہش تھی جو پوری ہوگئی مہرین نے تمام فنکاروں سے جم کر کام لیا ہے جبکہ بلال عباس خان کا کہنا ہے کہ میں نے اس ویب سریز میں کراچی کے ایسے نوجوان کا کردار ادا کیا ہے جو اپنے خوابوں کی تعبیر کے لیے سخت محنت کرتا ہے مدیحہ امام کے ساتھ میری اسکرین کیمسٹری بہت ملتی ہے جو اس ویب سریز میں بھی نظر آئے گی۔

مواد پر پابندی لگانے سے متعلق ایک باضابطہ طریقہ کار ہوتا ہے پیمرا کو اسی طریقہ کار پر چلنا چاہیے مہرین جبار

جواب چھوڑیں

آپ کا ای میل ایڈریس شائع نہیں کیا جائے گا.