fbpx

ایک اور بھارتی اداکار نے پھندا لگا کر خودکشی کر لی

تیلگو اداکار اور ماڈل سری واستو چندراسکیر نے پھندا لگا کر خودکشی کر لی۔

باغی ٹی وی : بھارتی میڈیا کے مطابق کئی سپر ہٹ فلموں میں جلوہ گر ہونے والے ساؤتھ انڈین اداکار چندراسیکر نے اپنی زندگی کا خاتمہ کرلیا بدھ کے روزبھارتی فلم انڈسٹری سے تعلق رکھنے والے اداکار اپنے اہلخانہ سے شوٹنگ پر جانے کا کہہ کر گھر سے نکلے تھے جس کے بعد اداکار اپنی فیملی کی زیر ملکیت دوسرے گھر میں چلے گئے اور پھندا لگا کر خودکشی کر لی۔

میڈیا رپورٹس کے مطابق اداکار کی پھندا لگی لاش اس گھر سے برآمد ہوئی جسے وہ اپنے بزنس کے لیے استعمال کرتے تھے۔

بھارتی میڈیا کا کہنا ہے کہ اداکار نفسیاتی مسائل کا شکار تھے جس کے تحت ان کا علاج چل رہا تھا، نوجوان اداکار کی موت پر فلم انڈسٹری سے تعلق رکھنے والے دیگر افراد بھی غیر یقینی کا شکار ہیں اور گہرے صدمے اور افسوس کا اظہار کر رہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.