ورلڈ ہیڈر ایڈ

ایک اور ٹرین حادثہ، انجن الٹ گیا، ایک جاں بحق،آٹھ زخمی، ذمہ داری کس پر ڈال دی گئی

ایک اور ٹرین حادثہ، انجن الٹ گیا، ایک جاں بحق،آٹھ زخمی، ذمہ داری کس پر ڈال دی گئی

باغی ٹی وی کی رپورٹ کے مطابق ایک اور ٹرین حادثہ پیش آیا ہے،سرگودھا سے لاہور جانیوالی ٹرین سرگودھا ایکسپریس نشتر آباد ریلوے اسٹیشن کے قریب ڈمپر سے ٹکرا گئی جس کے نتیجے میں ٹرین کا انجن الٹ گیا، انجن الٹنے سے ٹرین کا اسسٹنٹ ڈرائیور وسیم موقع پر جاں بحق ہو گیا

ٹرین کا انجن الٹنے سے ٹرینوں کی آمدورفت بند ہو گئی ہے، ریلوے حکام کا کہنا ہے کہ پھاٹک کھلا ہونے کی وجہ سے حادثہ پیش آیا، انجن کو پٹڑی سے ہٹانے اور ٹریک لائن کو بحال کرنے کے لئے کرین منگوائی گئی ہے ،ریلوے حکام کا کہنا ہے کہ جلد انجن کو اٹھا لیا جائے گا، جاں بحق ہونے والے اسسٹنٹ ڈرائیور کی لاش مقامی ہسپتال منتقل کر دی گئی ہے.

انجن الٹنے سے ٹرین کی ایک بوگی بھی پٹڑی سے اتر گئی ہے، حادثہ میں آٹھ افراد زخمی بھی ہوئے ہیں جنہیں علاج کے لئے مقامی ہسپتال منتقل کر دیا گیا ہے، واقعہ کی اطلاع ملنے پر شہریوں کی بڑی تعداد بھی موقع پر پہنچ گئی.

14 اکتوبر کو میرپور ماتھیلو کے قریب مال گاڑی کی 5 بوگیاں پٹری سے اترگئی تھی، مال گاڑی پنجاب سے کراچی جارہی تھی.

شیخ رشید کی کارکردگی باغی ٹی وی سامنے لے آیا، 136 مسافر ٹرینوں میں سے 72 ٹرینیں خسارے میں

یکم اکتوبر کو روہڑی ریلوے اسٹیشن کے گڈز یارڈ میں کنٹینر مال گاڑی کی چار بوگیاں پٹری سے اتر گئیں، کنٹیر مال گاڑی کی بوگیاں اترنے سے کم و بیش 400 فٹ پٹری کو نقصان پہنچا

واضح رہے کہ اس سے قبل17 اکتوبر کو ریل کار کی دو بوگیاں سوہاوا ریلوے اسٹیشن کے قریب پٹری سے اتر گئی تھیں، جس کے بعد ٹرینوں کی آمد و رفت معطل بھی ہوگئی تھی۔

ٹرین حادثہ، تین بوگیوں میں کتنے مسافر سوارتھے؟ بکنگ کس نے کروائی؟ اہم خبر

ٹرین حادثہ، شیخ رشید نے کیا امداد کا اعلان

واضح رہے کہ رحیم یار خان میں افسوسناک واقعہ پیش آیا ،ٹرین کی بوگیوں میں‌ آتشزدگی سے 73 مسافر جاں بحق ہو گئے ،تیزگام ایکسپریس میں آگ بہاولپوراور رحیم یا ر خان کےدرمیان چنی گوٹھ کےمقام پر لگی ،تیز گام کراچی سےبراستہ لاہور راولپنڈی جار ہی تھی ،

یاد رہے کہ پاکستان میں‌ اس سے قبل بھی ٹرینوں کے پٹری سے اترنے کے واقعات پیش آتے رہے ہیں تاہم اس سلسلہ میں‌ ریلوے حکام کی طرف سے ابھی تک مضبوط اقدامات نہیں اٹھائے جاسکے ہیں.

جواب چھوڑیں

آپ کا ای میل ایڈریس شائع نہیں کیا جائے گا.