ایسا کیا ہوا کہ مولانا فضل الرحمان کے حلقے میں شہریوں نے دھرنا دے دیا

0
28

ایسا کیا ہوا کہ مولانا فضل الرحمان کے حلقے میں شہریوں نے دھرنا دے دیا
باغی ٹی وی کی رپورٹ کے مطابق ڈیرہ اسماعیل خان کی تحصیل درابن کلاں میں بجلی کی ناروا لوڈ شیڈنگ اور ناجائز جرمانوں کیخلاف عوام سڑکوں پر نکل آئی، ٹائر جلاکر احتجاجا روڈبند کردیا.

ڈیرہ اسماعیل خان تحصیل درابن کلاں میں بجلی کی ناروا لوڈ شیڈنگ اور واپڈا کے مقامی افسران کی جانب سے کنڈہ مافیا کیخلاف آپریشن کے نام پر صارفین پر25ہزار سے زائد کے جرمانوں اور پکڑ دھکڑ کیخلاف عوام مشتعل ہوکر سڑکوں پر نکل آئی۔ سینکڑوں مشتعل مظاہرین نے درازندہ موڑ پر ڈیرہ اسماعیل خان، ژوب/کوئٹہ بین الاصوابائی شاہر پر رکائوٹیں کھڑی کرکے اور ٹائر جلاکر روڈ کو ہرقسم کی ٹریفک کیلئے بند کردیا جس سے سڑک کے دونوں اطراف گاڑیوں کی لمبی لمبی قطاریں لگ گئیں۔

مظاہرین نے الزم عائد کیا کہ واپڈا ٹیموں نے کنڈہ مافیا کیخلاف آپریشن کی آڑ میں صارفین پر25/25ہزار کے ناجائز جرمانے عائد کئے اور کئی افراد کو بجلی چوری کے الزام میں تھانے میں بند کرادیا۔ مظاہرین کا کہنا تھا کہ ناروا لوڈ شیڈنگ، ناجائز جرمانوں کے خاتمے اور گرفتار افراد کی رہائی تک احتجاج جاری رکھیں گے

Leave a reply