اجے دیو گن کا چین سے بدلہ لینے کا اعلان ، لداخ میں مرنے والے بیس فوجیوں پر فلم بنائیں گے

بھارتی معروف اداکار اجے دیو گن نے کہا ہے کہ چین سے بدلہ لینےکے لئے لداخ میں مرنے والے بیس فوجیوں پر فلم بنائیں گے-

باغی ٹی وی : بھارت نے ہمیشہ اپنی ہار کا بدلہ فلموں میں ہی لیتا آیا ہے اور کشمیر کو فتح کرنے اور پاکستانی فوج کو شکست دینے کے خواب اپنی فلموں میں ہی پورے کرتا رہا ہے اپنی وہی روایت برقرار رکھتے ہوئے اجے دیو گن نے چین سے لداخ کا بدلہ لینے کے لئے ایک مرتبہ پھر فلموں کا سہارا لیا ہے اور فلموں میں ہی ہیرو پنتی دکھانے کا ارداہ کیا ہے-

بھارتی ویب سائٹ ہندوستان ٹائمز کی رپورٹ کے مطابق اداکار اور فلم پروڈیوسر اجے دیوگن نے گذشتہ ماہ گیلان وادی میں ہندوستانی اور چینی فوجیوں کے درمیان پرتشدد تصادم پر مبنی فلم کا اعلان کیا ہے۔ اس جھڑپ کے نتیجے میں 20 ہندوستانی فوجیوں کی جانیں ضائع ہوگئیں۔

فلمی تجارتی تجزیہ کار ترن آدرش نے اس اعلان کی خبر ٹویٹر پر شیئر کی۔ "یہ سرکاری … … اجے دیوگن ایف فیلمز اور سلیکٹ میڈیا ہولڈنگز ایل ایل پی اس فلم کی تیاری کریں گی۔


ہندوستان ٹائمز کی رپورٹ کے مطابق اجے نے اپنے اسپورٹس ڈرامہ میدان کا نیا پوسٹر بھی شیئر کیا۔ انہوں نے فلم کی ریلیز کی تاریخ یوم آزادی ہفتہ ، 13 اگست 2021 بتائی ہے ۔ “


اجے نے لکھا کہ 2021 یوم آزادی ہفتہ۔ ایک ایسی کہانی جو ہر ہندوستانی کو فخر بخشے گی۔ اس فلم میں پریمانی ، گراج راؤ اور معروف بنگالی اداکار رودرانیل گھوش بھی شامل ہیں۔

واضح رہے کہ چین نے وادی لداخ ہر قبضہ کرتے ہوئے بھارتی فوج کو ناکوں چنے چبوائے 100 سے زائد بھارتی فوجی گرفتار ہوئے اور باقیوں نے بھاگ کر جان نچائی تھی بعد ازاں 15 سے 16 جون کو وادی گیلان میں ایک جھڑپ میں جب 20 ہندوستانی فوجی اپنی جانوں سے ہاتھ دھو بیٹھے تب سے بھارت اور چین کی صورتحال کشیدہ ہے۔ ہندوستان اور چین میں گذشتہ ماہ سے تناؤ جاری ہے-

بھارتی اداکارہ دیا مرزا نے مقبوضہ کشمیر میں جاری بھارتی فوج کی بربریت کے خلاف آواز بلند کرتے ہوئے بھارتی جنتا پارٹی کے رہنما کو کھری کھری سنا دیں

جواب چھوڑیں

آپ کا ای میل ایڈریس شائع نہیں کیا جائے گا.