اجے دیوگن پٹھان کی ایڈوانس بکنگ پرخوش

جیسا کہ شاہ رخ خان کی فلم پٹھان بھارت سمیت دنیا کے دیگر ممالک میں آئندہ کل ریلیز ہونے جا رہی ہے اس کو لیکر شائقین کافی پرجوش ہیں. فلم کو دیکھنے کےلئے ایڈوانس بکنگ جاری ہے اور ایڈوانس بکنگ زوروں سے چل رہی ہے. کہا جا رہا ہے کہ جس طرح سے فلم پٹھان کی ایڈوانس بکنگ ہورہی ہے حالیہ سالوں میں ایسے اعداد و شمار دیکھنے کو نہیں ملے. پٹھان کی ایڈوانس بکنگ کو جہاں‌اکشے کمار نے بالی وڈ کی دیگر فلموں کی کامیابی بھی کہا ہے وہیں اجے دیوگن نے ایڈوانس بکنگ پر خوشی کا اظہار کرتے ہوئے کہا ہے کہ فلم پٹھان کی ایڈوانس بکنگ بہت ہی خوش آئند ہے اور میں‌بہت خوش ہوں کہ ایسا ہو رہا ہے. ہم سب کو بلکہ شاہ رخ خان کی اس خوشی میں خوش ہونا چاہیے. اجے نے مزید کہا کہ

کورونا کے بعد لوگوں میں‌ فلمیں‌ دیکھنے کا رجحان بالکل ختم ہو گیا تھا ان کو سینما گھروں میں واپس لانا بہت ضروری تھا اس سے بھی ضروری تھا کہ ہماری دو چار فلمیں ہٹ ہوتیں تاکہ آڈینز دوبارہ سینما گھروں‌ کو واپس آتیں اور جس طرح سے پٹھان کی ایڈوانس بکنگ ہو رہی ہے وہ آج تک نہیں‌ہوئی اسکے لئے میں‌ دل سے خوش ہوں. امید ہے کہ یہ سال ہندی سینما کے لئے اچھا ہو گا اور لوگ سینما گھروں میں واپس لوٹ‌ کر آئیںگے.