اجے دیوگن سلمان خان اور شاہ رخ خان ایک ساتھ نظر آئیں گے

0
32

بالی وڈ کے سپر اسٹار سلمان خان بھی اجے دیو گن اور شاہ رخ خان کے ہمراہ ویمل الائچی کی کمپنی کے اشتہار میں نظر آئیں گے-

باغی ٹی وی : بھارت کی مشہور ویمل الائچی کی کمپنی نے بالی وڈ کے صفِ اول کے اداکاروں شاہ رخ خان اور اجے دیوگن کے بعد اب سلمان خان کو بھی آن بورڈ لے لیا ہے۔

بھارتی میڈیا کے مطابق بالی وڈ کے یہ تینوں بڑے اداکار اب الائچی بیچتے نظر آئیں گے بین الاقوامی میڈیا نے یہ بھی دعویٰ کیا ہے کہ سلمان خان کو راج شری الائچی کا برانڈ ایمبیسڈر مقرر کیا گیا ہے۔

ذرائع کا کہنا ہے کہ الائچی کی مصنوعات بیچنے والی کمپنی اور سلمان خان کے درمیان معاہدہ طے پا گیا ہے اور آئندہ دس روز میں معروف اداکار اشتہار کی شوٹنگ کرائیں گے۔

بھارتی میڈیا کا کہنا ہے کہ سلمان خان اپنی آنے والی فلم ٹائیگر ۳ کی شوٹنگ سے بریک لے کر اس اشتہار کی شوٹنگ کروائیں گے۔

بھارتی میڈیا نے یہ دعویٰ بھی کیا ہے کہ اس برانڈ کی پروموشن کے لیے سلمان خان کی خدمات بھاری معاوضے کے عوض حاصل کی گئی ہیں۔

ذرائع نے یہ بھی دعویٰ کیا ہے کہ ویمل الائچی کی جانب سے سلمان خان کو ادا کی جانے والی رقم تاریخ میں بالی وڈ شخصیات کو کسی بھی برانڈ کی پروموشن کے لیے دی جانے والی رقم میں سب سے زیادہ ہے۔

شاہ رخ اورا جے دیوگن کی ویڈٰیو پر سوشل میڈٰیا صارفین کے دلچسپ تبصرے

Leave a reply