ہمیں دھرنے میں کسی لیگی خاتون کی ضرورت نہیں، اکرم خان درانی نے واضح کردیا
اسلام آباد: سابق وزیراعلیٰ اور مولانا فضل الرحمان کے قریبی ساتھی اکرم خان درانی صاحب نے کہا ہے کہ ہمیں دھرنے میں کسی ن لیگی خاتون کی ضرورت نہیں، ہمارے پاس مرد بہت ہیں.
تفصیلات کے مطابق نجی ٹی وی کے پروگرام میں گفتگو کرتے ہوئے اکرم خان درانی نے کہا کہ ہمارے پاس مرد بہت ہیں، لہذا مسلم لیگ ن کی خواتین سے گزارش ہے کہ وہ گھر بیٹھ کر ہمارے لیے دعا کریں، ہمیں دھرنے میں کسی خاتون کی ضرورت نہیں ہوگی. انہوں نے مزید کہا کہ مسلم لیگ ن اور ہماری سوچ کافی ملتی جلتی ہے، ہمارا دستور بھی ایک جیسا ہی ہے، لیکن میری تمام خواتین سے گزارش ہے کہ آپ گھروں میں بیٹھ کر ہمارے لیے دعا کریں. ہمارے پاس مردوں کی تعداد بہت زیادہ ہے، اسی لیے کسی خاتون کی ضرورت نہیں ہوگی.
سابق وزیراعلیٰ اور مولانا فضل الرحمان کے قریبی ساتھی اکرم خان درانی صاحب سے پوچھا کہ اگر مسلم لیگ ن کی خواتین آپکے اسلام آباد دھرنے میں آ گئیں تو آپکو اعتراض تو نہیں ہو گا تو انہوں نے کہا کہ ہمارے پاس بہت مرد ہیں خواتین گھروں میں دعا کریں pic.twitter.com/joJCQS7efY
— Hamid Mir (@HamidMirPAK) September 17, 2019
واضح رہے کہ مولانا فضل الرحمان نے اکتوبر میں حکومت کیخلاف مارچ کرنے کا اعلان کر رکھا ہے، جس کیلئے ن لیگ اور دیگر سیاسی جماعتوں سے رابطے جاری ہیں. تاہم اب اکرم خان درانی کے اس بیان نے نیا ہنگامہ کھڑا کردیا ہے.