گلوکار اکرم راہی کو لندن کی عدالت سے جرمانہ

.برطانیہ کی عدالت نے پاکستانی گلوکار اکرم راہی کو 2 میوزک کمپنیوں مووی باکس اور اورینٹیل سٹار ایجنسیز کے ساتھ دھوکہ دہی پر 3 اپریل تک ایک لاکھ 50 ہزار پاونڈ ادا کرنے کا حکم جاری کیا ہے,گلوکار کو مجموعی طورپر ساڑھے آٹھ کروڑجرمانہ ادا کرنا پڑے گا۔یہ بات نامور نغمہ نگار ایس ایم صادق نے اپنے وکیل چوہدری شفقات محمود اوراپنے صاحبزادے وسیم صادق کے ہمراہ پریس کلب لاہور میں پریس کانفرنس کے دوران دستاویزات پیش کرتے ہوئے کہی۔ایس ایم صادق نے بتایا کہ پاکستان کا پہلا نغمہ نگار اور نعت گو ہوں جو سب سے زیادہ 60 ہزار گیت لکھ چکا ہے جس میں10 ہزار نعتیں بھی شامل ہیں.نصرت فتح علی خان، عطااللہ عیسی خیلوی، انور رفیع، اور وارث بیگ سمیت دنیا کے ہر بڑے گلوکار کے بے شمار نغمات لکھے ہیں.اکرم راہی نے اپنی کتاب میں نہ صرف جگا اور سیف الملوک لکھنے کا دعویٰ کیاہے بلکہ میرے بھی 250 سے زیادہ مشہور گانے اپنی کتاب میں شامل کئے ہیں، ایس ایم صادق کا کہنا تھا کہ اکرم راہی نے اپنے سیکیورٹی گارڈ کے نام پر جعلی پیپر بنائے، عدالت میں فیک

ڈاکومنٹس پیش کئے، دھوکہ دہی ثابت ہونے پر برطانیہ کی عدالت نے گلوکار کو ایک لاکھ 50 ہزار پاؤنڈ ساڑھے آٹھ کروڑ کا جرمانہ 3 اپریل تک جمع کرانے کا حکم دیا ہے.اکرم راہی کو مجموعی طور پر ساڑھے 8 کروڑ روپے جرمانہ ادا کرنا پڑے گا.. ایس ایم صادق نے کہا کہ میں نے بھی پاکستان کی عدالت میں اکرم راہی کے خلاف کیس کر رکھا ہے، امید ہے مجھے بھی عدالت سے انصاف ملے گا.انہوں نے کہا کہ اکرم راہی نے جعل سازی سے مختلف گانوں پر مبنی کتاب اپنے نام سے رجسٹرڈ کروائی،برطانوی عدالت نے فیصلے میں لکھا اکرم راہی جھوٹا اور فراڈیا ہے.