اکشے کمار بھی عالمی وبا کورونا وائرس کا شکار
بالی ووڈ سُپر اسٹار اکشے کمار بھی عالمی وبا کورونا وائرس کا شکار ہوگئے۔
باغی ٹی وی : بالی ووڈ کے کھلاڑی اکشے کمار نے سماجی رابطے کی ویب سائٹ ٹوئٹر پر اپنا کورونا ٹیسٹ مثبت آنے کی خبر مداحوں کے ساتھ شیئر کی۔
— Akshay Kumar (@akshaykumar) April 4, 2021
انہوں نے اپنے ٹوئٹ میں لکھا کہ میں آپ سب کو بتانا چاہتا ہوں آج صبح میرا کورونا وائرس کا ٹیسٹ مثبت آیا ہے۔ جس کے بعد تمام احتیاطی تدابیر اختیار کرتے ہوئے میں نے خود کو فوری طور پر آئسو لیٹ کرلیا ہے۔
اکشے کمار نے بتایا کہ انہوں نے خود کو گھر میں قرنطینہ کرلیا ہے اور تمام ضروری طبی امداد بھی لے رہے ہیں۔ اس کے علاوہ انہوں نے ان تمام لوگوں سے اپنا کورونا ٹیسٹ کروانے کی درخواست کی جو ان کے رابطے میں آئے تھے اور انہیں اپنا خیال رکھنے کی ہدایت کی۔ اکشے کمار نے بتایا کہ وہ جلد ایکشن میں واپس آئیں گے۔
واضح رہے کہ دو روز قبل اداکارہ عالیہ بھٹ نے بھی کورونا میں مبتلا ہونے کی خبر دیتے ہوئے کہا تھا کہ انہوں نے خود کو گھر میں قرنطینہ کرلیا ہے عالیہ بھٹ کے علاوہ بالی ووڈ کے مسٹر پرفیکشنسٹ عامر خان بھی کورونا وائرس کا شکار ہیں اور اپنے گھر میں آئسولیٹ ہیں
علاوہ ازیں اداکار منوج باجپائی، سدھانت چترویدی، تاراسوتاریا، ستیش کوشک اور ہدایت کار سنجے لیلا بھنسالی، رنبیر کپور و دیگر بھی کورونا وائرس کا شکار ہوچکے ہیں-
Leave a reply
