fbpx

الحمداللّہ، بال بال بچ گیا، ہانیہ کی وائرل ویڈٰیو کے بعد عاصم اظہر کا رد عمل

پاکستان میوزک انڈسٹری کے نوجوان گلوکار عاصم اظہر نے سوشل میڈیا پر ایک ویڈیو شئیر کی جس نے صارفین کو شش و پنج میں مبتلا کر دیا-

باغی ٹی وی : گزشتہ روز عاصم اظہر نے سماجی رابطے کی ویب سائٹ ٹوئٹر پر ایک مختصر مزاحیہ ویڈیو شیئر کی جو بالی ووڈ اداکار انوپم کھیر کی فلم کے ایک سین پر بنائی گئی ہے۔


ویڈیو میں انوپم کھیر بھاگتے ہوئے کہتے ہیں کہ ’بال بال بچ گیا۔‘

عاصم اظہر نے ویڈیو شیئر کرتے ہوئے کیپشن میں ’الحمداللّہ‘ لکھا اور ساتھ ہی قہقہوں والا ایموجی بھی بنایا۔

گلوکار کے اس ٹوئٹ نے مداحوں کو کشمکش میں مبتلا کردیا صارفین کا کہنا ہے کہ عاصم اظہر نے ہانیہ عامر کی حالیہ وائرل ویڈیو پر یہ ردِعمل دیا ہے بعض صارفین نے عاصم اظہر کو شکرانے کے دو نفل پڑھنے اور صدقہ دینے کا مشورہ دیا-


ایک صارف نے گلوکار کے ٹوئٹ پر لکھا کہ ’ہانیہ بھابھی نے دھوکہ دے دیا۔‘


ایک صارف نے لکھا کہ روئے زمین پر خوش کن فرد عاصم اظہر ہے-


واضح رہے کہ حال ہی میں ہانیہ عامر نے گلوکار و اداکار عاشر وجاہت کے ساتھ ایک ویڈیو شیئر کی تھی جس پر سوشل میڈیا پر سخت ردعمل کا اظہار کیا جارہا ہے۔

ہانیہ عامر نے یہ ویڈیو شیئر کرتے ہوئے کہا تھا کہ اپنے بھائی کو ایسے سنبھالا جاتا ہے کہ جب وہ 101 بخار میں تپ رہا ہو۔

ویڈیو میں ہانیہ عامر عاشر وجاہت کے ساتھ ہیں اور وہ بیڈ پر کمبل اوڑھے لیٹے ہوئے ہیں۔

سوشل میڈیا پر ہانیہ عامر کی یہ ویڈیو وائرل ہوگئی ہے، صارفین اس ویڈیو کو معاشی اقدار کے منافی قرار دے رہے ہیں۔

ٹوئٹر پر ہانیہ عامر کا نام کل سے سرفہرست ٹرینڈز میں شامل ہے، اس ٹرینڈ کا استعمال کرتے ہوئے صارفین جہاں ہانیہ عامر کا مذاق اڑا رہے ہیں وہیں ان کی جانب سے ایسی ویڈیوز سوشل میڈیا پر شیئر کرنے پر تنقید بھی کررہے ہیں۔