معروف بھارتی ہدایتکارعلی عباس ظفرنے ہندو انتہاپسندوں سے معافی مانگ لی

0
24

معروف بھارتی ہدایت کار علی عباس ظفر نے ہندو انتہاپسندوں کے آگے گھٹنے ٹیک دیئے اور معافی مانگ لی ہے۔

باغی ٹی وی :بھارتی میڈیا رپورٹس کے مطابق گزشتہ روز بالی وڈ اداکار سیف علی خان کو ویب سیریز ’’تانڈو‘‘ میں کام کرنے پر ہندو انتہاپسند جماعت بی جے پی کے رہنماؤں کی جانب سے شدید تنقید کا نشانابناتے ہوئے ہاتھ جوڑ کر معافی مانگنے کا مطالبہ کیا گیا تھا اور ویب سریز کے ہدایت کار علی عباس ظفر سے متنازع مناظر ہٹانے کا مطالبہ کیا تھا۔


ہندو انتہاپسند اور بی جے پی کی جانب سے شدید ردعمل کے سامنے آنے کے بعد ویب سیریز کے ہدایت کار علی عباس ظفر نے گھٹنے ٹیک دیے اور ٹوئٹر پر معافی مانگتے ہوئے کہا کہ ’ٹانڈو‘ ویب سیریز بنانے کا مقصد کسی کے مذہبی،سیاسی جذبات کو بھڑکانا یا دل آزاری نہیں تھا، اگر ویب سیریز میں دکھائے گئے مناظر سے کسی کو دکھ پہنچا ہے تو اس کے لیے پوری ٹیم معافی مانگتی ہے۔

واضح رہے کہ اداکار سیف علی خان کی چند روزقبل ریلیز ہونے والی ویب سیریز ’تانڈوو‘ کے باعث بھارت میں ہنگامہ برپا ہو گیا اور انتہاپسندوں کی جانب سے اداکار کو دھمکیاں دی جارہی ہیں۔ہندو تنظیموں کی جانب سے ویب سیریز پر پابندی کا مطالبہ بھی کیاجارہا ہے،ویب سیریز کے خلاف ملک کے مختلف شہروں میں مظاہروں کا سلسلہ بھی جاری ہے،جبکہ اداکار کے خلاف مذہبی جذبات مجروح کرنے پر مقدمہ کے اندراج کے لیے درخواست بھی جمع کروادی گئی ہے۔

بھارتی میڈیا رپورٹس کے مطابق لکھنؤ کے ایک تھانے میں’ تانڈو‘ کے ہدایت کار علی عباس ظفر، پروڈیوسر ہمانشو کرشنا اور رائٹرگورو سولنکی کےخلاف ہندوؤں کے مذہبی جذبات مجروح کرنے کے الزام میں مقدمہ درج کیا گیا ہے۔

دوسری جانب ویب سیریز اور اداکاروں کے خلاف ممبئی کے مقامی تھانے میں بھی مذہبی جذبات مجروح کرنے کی درخواست دائر کی گئی ہے –

علی عباس ظفرکی ہدایت کاری میں بننے والی ویب سیریز ’تانڈو‘ میں سیف علی خان، ڈمپل کپاڈیا، ذیشان ایوب، سنیل گروور سمیت دیگر اداکار شامل ہیں جب کہ یہ سیریز آن لائن ریلیز کی جاچکی ہے جس پر متنازع مواد کے باعث پابندی کا مطالبہ کیا جارہا ہے۔

سیف علی خان اور کرینہ کوانتہا پسند ہندوؤں کیجانب سے سنگین نتائج کی دھمکیاں،پولیس بھی حرکت میں آگئی

Leave a reply