علی انصاری کے بعد مشال خان نے بھی جیون ساتھی چن لیا؟

حال ہی میں اداکارہ صبور علی اور اداکار علی انصاری کی منگنی کی تصاویر وائرل ہونے کے بعد اداکارہ مشال خان نے بھی اداکار قاسم خان سے تعلق کا عندیہ دیا ہے-

باغی ٹی وی : ماضی میں اداکارہ مشال خان اور علی انصاری کے درمیان خاصی گہری دوستی رہ چکی ہے تاہم جوڑا گزشتہ برس علیحدہ ہوگیا تھا مشال سے بریک اپ کے بعد علی انصاری نے اداکارہ صبور علی کے ساتھ منگنی کر لی ہے-

تاہم اب مشال خان کی جانب سے اپنے تصدیق شدہ انسٹاگرام ا کاؤنٹ پر تصویر شئیر کی گئی ہے جس میں مشال خان کی تیسری انگلی میں خوبصورت انگوٹھی کو بھی دیکھا جاسکتا ہے۔

اس تصویر کے بعد یہ خیال ظاہر کیا جارہا ہے کہ اداکارہ مشال خان اور اداکار قاسم خان تعلق میں ہیں اور انہوں نے منگنی کرلی ہے تاہم اس حوالے سے اب تک تصدیق نہیں ہوسکی ہے۔

دوسری جانب قاسم خان نے بھی اپنے انسٹاگرام اکاؤنٹ پر اداکارہ کے ہمراہ ایک خوبصورت تصویر شیئر کی اور کیپشن میں لکھا کہ کیا آپ سیارہ زمین پر فرشتوں کے ہونے پر یقین رکھتے ہیں کیوںکہ میں مشال سے ملا۔