اداکار علی خان برطانوی فلم ’مغل موگلی‘ میں اہم کردار میں نظر آئیں گے

پاکستان شوبزانڈسٹری کے معروف اداکار علی خان برطانوی فلم ’مغل موگلی‘ میں اہم کردار میں نظر آئیں گے جو 30 اکتوبر یعنی آج ریلیز کر دی گئی ہے-

باغی ٹی وی :سماجی رابطے کی ویب سائٹ انسٹاگرام پر اپنی ایک پوسٹ کے ذریعے بتایا تھا کہ ان کی برطانوی فلم ’مغل موگلی‘ 30 اکتوبرکو برطانیہ اور آئرلینڈ کے سنیما گھروں میں نمائش کے لیے پیش کی جائے گی-

فلم کے حوالے سے علی خان نے بتایا کہ کہ مغل موگلی کی کہانی ایک پاکستانی نژاد برطانوی ’ریپر‘ کے گِرد گھومتی ہے جو اپنے میوزک کیریئر کے اہم موڑ پر موذی بیماری کا شکار ہو جاتا ہے۔

اداکار نے مزید بتایا کہ میری برطانوی فلم ایک براؤن فیملی کی کہانی ہے جو لندن میں رہتی ہے اس فلم میں دکھائے جانے والے واقعات تو برطانیہ میں رونما ہوتے ہیں لیکن جس سوچ کی بات کی جا رہی ہے وہ دنیا کے کسی بھی حصے میں پائی جا سکتی ہے۔

علی خان نے کہا کہ امید ہے کہ اُن کی یہ فلم، فلم بینوں کو جذباتی سطح پر متاثر کرنے کی صلاحیت رکھتی ہے۔

’مغل موگلی‘ کا اسکرپٹ ہدایت کار بصام طارق اور کراچی میں پیدا ہونے والے نامور پاکستانی نژاد برطانوی اداکار رضوان عرف ’رِض احمد‘ نے مل کر لکھا ہے۔ فلم جبکہ فلم رِض احمد ہی مرکزی کردار ادا کر رہے ہیں-

جواب چھوڑیں

آپ کا ای میل ایڈریس شائع نہیں کیا جائے گا.