علی ترین ملتان سلطانز کی ملکیت سے دستبردار

0
28

علی ترین ملتان سلطانز کی ملکیت سے دستبردار
باغی ٹی وی کی رپورٹ کے مطابق پاکستان سپر لیگ (پی ایس ایل) کی فرنچائز ملتان سلطانز کی ملکیت سے متعلق علی ترین اور عالمگیر ترین کی شراکت داری ختم ہو گئی ہے۔

خبر رساں ادارے کے مطابق عالمگیر ترین نے ملتان سلطانز فرنچائز کی مکمل ملکیت سنبھال لی ہے جب کہ علی ترین اس شراکت داری سے مکمل طور پر دستبردار ہو گئے ہیں

ملتان سلطان کی ملکیت پہلے عالمگیر ترین اور علی ترین کے پاس مشترکہ طور پر تھی، انہوں نے 2018 میں 88 کروڑ 90 لاکھ روپوں کے عوض 7 سال کے لیے ملتان سلطانز کی فرنچائز خریدی تھی ، علی ترین حکمران جماعت پاکستان تحریک انصاف کے سینئر رہنما اور وزیراعظم عمران خان کے قریبی ساتھی جہانگیر خان ترین کے بیٹے ہیں۔

واضح رہے کہ ایچ بی ایل پی ایس ایل 6 ڈرافٹ کے دوران علی ترین کی غیر موجودگی کے بعد ملتان سلطانز کی ملکیت سے متعلق سوالات اٹھائے گئے تھے۔ بعدازاں یہ اطلاعات بھی موصول ہوئی تھیں کہ علی ترین صرف ایسوسی ایشن ٹیم جنوبی پنجاب کے معاملات سنبھالیں گے۔

پاکستان کرکٹ بورڈ (پی سی بی) نے کہا تھا کہ ان حقوق کو سات سال کی مدت کے لئے دیا گیا ہے۔

Leave a reply